मनाङ कांग्रेस सभापतिमा शंकर गुरुङ

राजनीति

Home
राजनीति
मनाङ कांग्रेस सभापतिमा शंकर गुरुङ

मनाङ कांग्रेस सभापतिमा शंकर गुरुङ

मनाङ : नेपाली कांग्रेसको १४ औँ महाधिवेशनको तयारी चलिरहेको छ । शुक्रबार वडाहरूमा अधिवेशन हुँदैछ । यसपछि नगररगाउँ समितिको नेतृत्व चयन गरिनेछ । जिल्ला तहको निर्वाचन आउने अझै समय बाँकी नै छ तर, मनाङमा भने वडा तहको अधिवेशन अगावै नेतृत्व टुङ्गो लगाइसकेको छ ।

मनाङ कांग्रेसले वडा तहको निर्वाचनअगावै नेतृत्व चयन गरेको छ । देशका सबै क्षेत्रमा महाधिवेशनको तयारीमा भइरहेको र कांग्रेसले समय तालिका निर्धारण गरे पनि कही अझै हुने नहुने अन्योलता छ । मनाङमा भने सर्वसम्मत नयाँ नेतृत्वको टुङ्गो लागिसकेको कांग्रेस जिल्ला कार्यसमिति मनाङका सचिव सुरेन्द्र गुरुङले जानकारी दिए ।

कांग्रेस मनाङले आगामी नेतृत्वका लागि शंकर गुरुङलाई जिल्ला सभापति बनाउने निर्णय गरेको छ । दुई कार्यकाल नेतृत्व सम्हालेका वर्तमान जिल्ला सभापति टेकबहादुर गुरुङको संयोजकत्वमा आम कार्यकर्ताको छलफलबाट आगामी कार्यकालको नयाँ नेतृत्व टुङ्गो लगाइएको उनले बताए ।

जिल्ला सभापतिसहित मनाङ कांग्रेसले संघ तथा प्रदेशका लागि प्रतिनिधि, जिल्ला पदाधिकारी, क्षेत्रीय कार्य समिति र स्थानीय तहमा समेत निर्विवाद नयाँ नेतृत्व चयन गरिएको कांग्रेस मनाङका सभापति टेकबहादुर गुरुङले बताए ।

प्रकाशित मिति: बिहीबार, भदौ १७, २०७८ ०७:४२

प्रतिक्रिया दिनुहोस्