महेन्द्र बहुमुखी क्याम्पसको स्ववियु सभापतिमा अनेरास्ववियुका खत्री निर्वाचित

राजनीति

Home
राजनीति
महेन्द्र बहुमुखी क्याम्पसको स्ववियु सभापतिमा अनेरास्ववियुका खत्री निर्वाचित

महेन्द्र बहुमुखी क्याम्पसको स्ववियु सभापतिमा अनेरास्ववियुका खत्री निर्वाचित

नवनिर्वाचित स्ववियु सभापति माधव खत्री लगायत ।

नेपालगन्ज : महेन्द्र बहुमुखी क्याम्पस नेपालगन्जको स्वतन्त्र विद्यार्थी युनियन(स्ववियु) सभापतिमा अनेरास्ववियुका माधव खत्री निर्वाचित भएका छन । भर्खरै सार्बजनिक भएको मत गणना परिणाम बाट खत्रीनिर्वाचित भएका हुन ।

उनलेे निकटतम प्रतिस्पर्धी नेपाल बिद्यार्थी संघका जीवनराज सुवेदीलाई पराजित गरेको निर्वाचन समितिका एक सदस्यले जानकारी दिए ।

स्ववियु सभापति पदका लागि ५ जनाले प्रतिस्पर्धा गरेका थिए । निर्वाचनका लागि कुल ४ हजार १ सय २२ मतदाता रहेकोमा १ सय ६ सय ९१ जनाले मात्र मतदान गरेका थिए । महेन्द्र बहुमुखी क्याम्पसमा लामो समयदेखि स्ववियु निर्वाचन हुन सकेको थिएन ।

जित सँगै अनेरास्ववियुले क्याम्पसमा आफ्नो अस्तित्व कायम राखेको छ,भने नेपाल विद्यार्थी संघ पुनः स्ववियुमा आफ्नो अस्तित्व जमाउन असफल भएको छ । नेविसंघले २०५८/५९ तिर दीपक भण्डारीको नेतृत्वमा स्वबियु सभापति जितेको थियो । त्यसपछि अनेरास्ववियुका तर्फबाट रत्न खत्रीले स्ववियु सभापति पद जितेका थिए ।

खत्रीपछि नेपाल विद्यार्थी संघका पुस्पराज शर्माले स्ववियु सभापति जितेका थिए । शर्माको कार्यकाल पश्चात् अखिल क्रान्तिकारीका रामबहादुर बिक सभापतिको जिम्मेवारीमा पुग्न सफल भएका थिए । यस क्षेत्रको ठूलो र पुरानो क्याम्पस भएकाले पनि यो निर्वाचनलाई सबै राजनितिक दलहरुले चासोका साथ हेरेका थिए ।

काँग्रेस निकट नेविसंघले नागरिक उन्मुक्ति पार्टीको विद्यार्थी संगठनसँग तालमेल गरेको थियोे, भने एमाले निकट अनेरास्ववियुले पनि संयुक्त प्यानल बनाएको थियोे ।

Madhav khatri1679534699.jpg