'दाङ, बाँके र बर्दियालाई थारु साँस्कृतिक हवका रुपमा विकास गरिनेछ' : मुख्यमन्त्री चौधरी

राजनीति

Home
राजनीति
'दाङ, बाँके र बर्दियालाई थारु साँस्कृतिक हवका रुपमा विकास गरिनेछ' : मुख्यमन्त्री चौधरी

'दाङ, बाँके र बर्दियालाई थारु साँस्कृतिक हवका रुपमा विकास गरिनेछ' : मुख्यमन्त्री चौधरी

पत्रकार भेटघाटमा बोल्दै लुम्बिनी प्रदेशका मुख्यमन्त्री डिल्लीबहादुर चौधरी ।

नेपालगन्ज : लुम्बिनी प्रदेशका मुख्यमन्त्री डिल्ली बहादुर चौधरीले दाङ, बाँके र बर्दियालाई थारु साँस्कृतिक हवका रुपमा विकास गरिने बताएका छन् । प्रदेश सरकारले लुम्बिनीका १२ जिल्लालाई त्यहाँको सँस्कार र सँस्कृति अनुसार विभिन्न साँस्कृतिक हवका रुपमा विकास गर्ने योजनाका साथ काम भइरहेको उनले प्रष्ट्याए ।

नेपाल प्रेस युनियन बाँके शाखाले नेपालगन्जमा आइतबार आयोजना गरेको पत्रकार भेटघाटमा उनले लुम्बिनी प्रदेश सरकारले घरेलु उत्पादनलाई ब्राण्डिङ गर्ने गरी काम गरिरहेको बताए । दुई लाखलाई रोजगारी दिने गरी आगामी आर्थिक वर्ष २०८०/८१ का लागि १ अर्ब छुटाइएको जानकारी दिँदै यसका लागि संघीय सरकारबाट थप रकम माग गरिएको बताए ।

Press Meet_Dilli Chaudhary_Wel Come1688926098.jpg

प्रदेश सरकारले दुई लाख जनालाई रोजगारी दिने योजना बनाएको भन्दै उनले यसका लागि १ अर्ब रुपैयाँ छुट्याइएको जानकारी दिए । यसका लागि संघीय सरकारबाट समेत थप रकम माग गरिएको बताए । अर्को प्रसंगमा चौधरीले आगामी साउन महिनासम्म लुम्बिनी प्रदेश सरकारले पूर्णता पाउने विश्वास दिलाए ।

पत्रकार भेटघाटमा युनियन बाँकेका अध्यक्ष अर्जुन ओलीले मुख्यमन्त्री चौधरीलाई खादा ओढाएर स्वागत गर्दै बागेश्वरी मन्दिरको फोटो र युनियनको लोगो अंकित मायाको चिनो प्रदान गरेका थिए । त्यसअघि मुख्यमन्त्री चौधरीले कोहलपुरमा नवनिर्मित बसपार्कको उद्घाटन समेत गरेका थिए । उनी विभिन्न कार्यक्रममा सहभागी हुन बाँके आईपुगेका हुन् ।

तस्बिरहरु : भगतराम थारु र बिमला चौधरी

Press Meet_Dilli Chaudhary1688926095.jpg