नेपालगन्ज : नेपाली काँग्रेसकी नेतृ डा. आरजु राणा देउवालाई नेपालगन्ज विमानस्थलमा स्वागत गरिएको छ । बाँकेका काँग्रेस नेता, कार्यकर्ताले उनलाई विमानस्थल परिसरमा खादा, माला र पुष्पगुच्छा सहित स्वागत गरेका हुन् ।
सो क्रममा प्रतिनिधि सभाका सांसद आशा बि.क, संविधान सभा सदस्य एवम् लुम्बिनी प्रदेशका सांसद बादशाह कुर्मी, प्रदेश सांसदहरु सञ्जुकुमारी चौधरी, माया पुन, सुशिला नेपाली, मिना सिद्धिकी, काँग्रेसका अग्रज नेताहरु सुनिलनरसिंह राणा, निरञ्जनसिंह सिजापति, राजकुमार बर्मा, सुदिपनरसिङ राणा, पूर्व प्रदेश सांसद मोहम्मद याकुव अन्सारी, काँग्रेस बाँकेका उपसभापति गोपालप्रसाद अधिकारी, सचिव सुधान्सु कोइराला, नेपालगन्ज उपमहानगरपालिकाका मेयर प्रशान्त विष्ट, भेरी अस्पताल विकास समितिका अध्यक्ष बीरेन्द्र शाह, कान्ति आरोग्य अस्पतालका प्रमुख एवम् वरिष्ठ बालरोग विशेषज्ञ डा. रोमा बोरा, पार्टीका जिल्ला सहसचिव बिनोद थारु, कोहलपुर नगरपालिकाका उपमेयर संगिता सुवेदी, खजुरा गाउँपालिका उपाध्यक्ष मञ्जु मल्ल, बैजनाथ गाउँपालिका उपाध्यक्ष निर्मला रोकाय, जानकी गाउँपालिका उपाध्यक्ष रामप्यारी यादव, कांग्रेसका नेता तथा कार्यकर्ता, युवा, बिद्यार्थी लगायतको उल्लेख्य मात्रामा सहभागिता रहेको थियो ।
प्रतिनिधि सभाका सदस्य एवम् कृषि सहकारी तथा प्राकृतिक स्रोत समितिका सभापति समेत रहेकी काँग्रेस केन्द्रीय सदस्य डा. राणा नेपालगन्जमा आयोजना गरिएको कार्यक्रममा सहभागी भएकी छन । नेपालगन्ज उपमहानगरपालिका कार्यालयले नेपालगन्जमा आयोजना गरेको कार्यक्रममा प्रमुख अतिथीका रुपमा उनी सहभागी भएकी हुन ।
तस्बिरहरु : अर्जुन ओली
