विशेष अदालतमा मुद्दा दायरपछि प्रदेश सांसद यादव निलम्बित

राजनीति

Home
राजनीति
विशेष अदालतमा मुद्दा दायरपछि प्रदेश सांसद यादव निलम्बित

विशेष अदालतमा मुद्दा दायरपछि प्रदेश सांसद यादव निलम्बित

देउखुरी : लुम्बिनी प्रदेशसभा सदस्य जानकी प्रसाद यादवको सांसद गुमेको छ । यादव विरुद्ध भ्रष्टाचार मुद्दा परेपछि प्रदेश सभाले उनलाई सांसद पदबाट निलम्बन गरेको हो । अख्तियार दुरुपयोग अनुसन्धान आयोगले यादव समेतलाई विपक्षी बनाएर भ्रष्टाचारको मुद्दा दर्ता गरेको थियो ।

वन पैदावारको हानी नोक्सानी गरि भ्रष्टाचार गरेको आरोपमा यादव विरुद्ध विशेष अदालतमा मुद्दा दायर गरेको हो । कपिलवस्तुको गौतम बुद्ध साझेदारी वन व्यवस्थापन समितिले कटान गरेको काठ लुकाएर मिलेमतोमा अनियमितता गरेको आरोप अख्तियारले उनी माथि लगाएको छ ।

अदालतमा विचाराधीन रहेको मुद्दा किनारा नलागे सम्मका लागि यादवलाई निलम्बन गरिएको प्रदेश सभाले जानकारी दिएको छ । कपिलवस्तु निर्वाचन क्षेत्र नम्बर-३ (ख) बाट राप्रपाका यादव प्रदेश सभामा निर्वाचित भएका थिए ।

प्रकाशित मिति: शनिबार, फागुन १२, २०८० २०:५८

प्रतिक्रिया दिनुहोस्