सुदूरपश्चिम प्रदेश सभाको अधिवेशन आह्वान

राजनीति

Home
राजनीति
सुदूरपश्चिम प्रदेश सभाको अधिवेशन आह्वान

सुदूरपश्चिम प्रदेश सभाको अधिवेशन आह्वान

कैलाली : सुदूरपश्चिम प्रदेशका प्रमुख नजिर मियाँले साउन २७ गते अपरान्ह २ बजेका लागि प्रदेश सभाको ५ औं अधिवेशन आह्वान गरेका छन् । मन्त्रिपरिषद्को सिफारिसमा नेपालको संविधानको धारा १८३ को उपधारा १ बमोजिम प्रदेश प्रमुखले पाँचौ अधिवेशन आह्वान गरेका हुन् ।

सरकारले दुई दिनअघि मात्रै प्रदेश सभाको चालु चौथो अधिवेशन अन्त्य गरेर बिहीवार राजश्व संकलन सम्बन्धी अध्यादेश ल्याएको थियो । उक्त अध्यादेश प्रदेश प्रमुखबाट बिहीबार नै प्रमाणीकरण भइसकेको छ । अध्यादेश प्रमाणीकरणसँगै आर्थिक वर्ष २०८१र८२को बजेट पारित हुन नसकेर रोकिएको प्रदेश सरकारको कर संकलन सम्बन्धी काम अगाडि बढेको छ ।

बजेट पारित हुन नसकेर प्रदेश सरकार मातहतका कार्यालयको कर संलन लगाएतको काम ठप्प भएको थियो । तत्कालीन मुख्यमन्त्री दीर्घबहादुर सोडारी नेतृत्वको सरकार अल्पमतमा परेपछि प्रदेश सभामा असार १ गते प्रस्तुत बजेट पारित हुन नसकेर अलपत्र परेको थियो ।

सरकारले अध्यादेश जारीगरी कर संकलनको वातावारण बनाएपनि बजेट शून्यताको अवस्था भने अझैँ अन्त्य भएको छैन । मुख्यमन्त्रीले कमलबहादृुर शाहले विश्वासको मत लिइसकेपछि बजेटका विषयमा कारवाही अघि बढाउने तयारी गरेका छन् ।

प्रकाशित मिति: शनिबार, साउन २६, २०८१ १०:१२

प्रतिक्रिया दिनुहोस्