बाँकेको राप्ती सोनारीमा मोटरसाईकल दुर्घटनामा तीनको मृत्यु

समाज

Home
समाज
बाँकेको राप्ती सोनारीमा मोटरसाईकल दुर्घटनामा तीनको मृत्यु

बाँकेको राप्ती सोनारीमा मोटरसाईकल दुर्घटनामा तीनको मृत्यु

नेपालगन्ज : बाँकेको राप्ती सोनारी गाउँपालिका वडा नम्बर ४ मा भएको मोटरसाईकल दुर्घटनामा ३ जनाको मृत्यु भएको छ । उक्त दुर्घटनामा परी अन्य २ जना घाईते भएका छन् । पुर्वबाट पश्चिमतर्फ जाँदै गरेको भे १२ प ३१९५ नम्बरको मोटरसाइकल र विपरित दिशाबाट जाँदै गरेको भे १२ प ४८२८ नम्बरको मोटरसाएकल एक आपसमा ठोकिँएका थिए ।

उक्त दुर्घटनामा परी भे १२ प ३१९५ नम्बरका मोटरसाइकल चालक रामशरण थारु, भे १२ प ४८२८ का मोटरसाइकल चालक बसन्त थारु र मोटरसाईकलमा सवार अजय चौधरीको मृत्यु भएको भएको इलाका प्रहरी कार्यालय बैजापुर धामपुरले जनाएको छ । तीब्र गतिमा रहेका मोटरसाईकल बुधबार बेलुका करिव ५ बजेतिर राप्ती सोनारी–४ स्थित लठ्ठापुरमा ठोक्किएका थिए ।

घाइते अवस्थामा रहेका अजयको नेपालगन्ज मेडिकल कलेज शिक्षण अस्पताल नेपालगन्जमा उपचारका क्रममा मृत्यु भएको बताइएको छ । घाइते अवस्थामा रहेका संगिन थारु र संजय थारुको उपचार भइरहेको छ । ईप्रका बैजापुर धामपुरका ईन्चार्ज एवम् प्रहरी नायव निरीक्षक भद्रसिंह ओलीले जानकारी दिए । प्रहरीका अनुसार मृतक अजय र रामशरण नेपाल राष्ट्रिय माध्यामिक बिद्यालय धामपुरमा कार्यरत शिक्षक हुन् ।

प्रकाशित मिति: बिहीबार, असोज ३, २०८१ ०८:०१

प्रतिक्रिया दिनुहोस्