बाँके(बैजनाथ) : नेपाली कांग्रेस केन्द्रिय समिति र बाँके जिल्लाको संगठन सुदृढीकरण अभियानले तिब्रता पाएको छ । नेपाली कांग्रेस बाँकेले जिल्लाका ८१ वटै वडामा संगठन सुदृढिकरण अभियानका लागि जिल्लाका नेताहरूलाई स्थानीय तहमा खटाएको छ ।
संगठन सुदृढीकरण अभियान अन्तरगत बैजनाथ वडा नम्बर ४ का विभिन्न टोलहरुमा स्थानीय जनप्रतिनिधी सहित कांग्रेस नेताहरु जनतासँ संवाद गर्न कार्यकर्तासहित टोल-टोलमा पुगेको ३ नम्बर टोल सभापति कुलबहादुर ओलीले जानकारी दिए ।
सो अभियानमा पार्टीका स्थानीय निकाय, भातृ तथा शुभेच्छुक संघ संगठनको अवस्था र सामाजिक जीवनका हरेक क्षेत्रमा पार्टीको क्रियाशिलताका बिषयमा व्यापक छ्लफल भइरहेको स्थानीय युवा नेता अमर विसीले बताए ।
टोल-टोलमा पुग्ने अभियान अन्तरगत नेपाली कांग्रेसको भातृ संगठन नेपाल किसान महासंघ वडा कार्यसमिति चयन गरिएको छ । वडा भेलाबाट छबिलाल खत्रीको नेतृत्वतामा ९ सदस्सीय वडा कार्यसमिति गठन गरिएको हो ।
नेपाली कांग्रेस वडा कार्यसमितिका कोषाध्यक्ष विसीको अध्यक्षतामा भएको संगठन सुदृढीकरण अभियान र महासंघ गठन अन्तर राखिएको सो भेलाले उक्त कार्यसमिति गठन गरेको हो ।
उक्त कार्यक्रमका प्रमुख अतिथी कांग्रेस महासमिति सदस्य मेघराज ओलीले लोकतान्त्रिक आन्दोलनको मियोदल नेपाली कांग्रेसले मुलुकको समग्र विकासका लागि युग अनुसार बैचारिक धरातललाई अक्षुण राख्दै आफुलाई रूपान्तर गर्दै लिएको बताए ।
महासमिति सदस्य ओलीले विपी कोइरालाले प्रतिपादन गरेको कांग्रेसको बैचारिक जगमा टेकेर समृद्ध नेपाल र समुन्नत नेपालीको सपनालाई साकार बनाउन युगानुसार आफुमा रुपान्तरण जरुरी भएको धारणा राखे । उनले जनता, जनप्रतिनिधी र कांग्रेसका नेताबीच हुने संवादले जनताका समस्याले निकाश पाउने मात्र नभई रुपान्तरित कांग्रेस बनाउने अभियानमा पनि बल पुग्ने कुरामा जोड दिए ।
बस्ती-बस्तीका टोल-टोलमा पुगेर जनताका बिबिध समस्याहरु संग साक्षात्कार हुँदै संगठनलाई सुदृढीकरण गर्न कांग्रेसले चलाएको अभियानले जनप्रतिनिधीलाई पार्टीसहित जनतासँग संवाद गर्ने अवसर जुटाएको उल्लेख गरे ।
उक्त भेलामा क्षेत्रीय प्रतिनिधी समेत रहेका वडाअध्यक्ष प्रेमबहादुर शाहीले सिमित बजेटका बाबजुद वडाका हरेक क्षेत्रमा जनताका आवश्यकतालाई मध्यनजर गरी विकास निर्माणका काम पारदर्शी ढंगले गरिएको जानका दिए ।
सो भेलामा नेपाल किसान महसंघ बैजनाथका अध्यक्ष कपिलजंग शाहले यसअघि भएको संघलाई कृषि सम्बन्धी विभिन्न संघ आवद्ध रहेको किसान महासंघ बनाइएको बताए । अध्यक्ष शाहले किसानलाई हुने हरेक समस्याको समाधानका निम्ती महासंघ सदैब अग्रमोर्चामा उभिने प्रतिबद्धता जनाए ।
उक्त कार्यक्रम संचालन नेपाली कांग्रेस बैजनाथ-४ का सचिव लिलाराज पुरीले गरेका थिए । सो कार्यक्रममा नेपाल किसान महासंघ बाँकेका उपसभापति टेकबहादुर खड्का, नेपाली कांग्रेसका प्रदेश सभा 'क' का सभापति केशव शाह, महाधिवेशन प्रतिनिधी भावना चौधरी, कांग्रेस बैजनाथ गाउँपालिका सभापति देवबहादुर केसी, कांग्रेस लुम्बिनी प्रदेश प्रतिनिधी भुपाल ओली लगायतको उपस्थिती रहेको थियो ।
