पाटेबाघको आक्रमणबाट बाँकेको ओभरीमा बृद्धाको मृत्यु

समाज

Home
समाज
पाटेबाघको आक्रमणबाट बाँकेको ओभरीमा बृद्धाको मृत्यु

पाटेबाघको आक्रमणबाट बाँकेको ओभरीमा बृद्धाको मृत्यु

बाँके राष्ट्रिय निकुञ्जमा केही वर्षअघि क्यामेरामा कैद भएको पाटेबाघ । तस्बिर सौजन्य : बाँके राष्ट्रिय निकुञ्ज कार्यालय

नेपालगन्ज : पाटेबाघले आक्रमण गर्दा बाँकेको सम्शेरगन्जस्थित ओभरीमा एक बृद्धाको मृत्यु भएको छ । ओभरीस्थित भगवती सामुदायिक वन उपभोक्ता समुहको जंगलमा दाउरा काट्न गएकी स्थानीय ६७ बर्षिया बृद्धा चेती बुढालाई बुधबार दिउँसो बाघले आक्रमण गरी मारेको हो ।

ईलाका प्रहरी कार्यालय कोहलपुरका प्रहरी निरीक्षक हरि भट्टराईका अनुसार बिहान करिव ११ बजेतिर उनी दाउरा काट्न भन्दै घरबाट निस्केकी थिइन् । घरबाट करिव २ किलोमिटर दुरीमा रहेको सामुदायिक वन समुहको जंगलभित्र दिउँसो बाघले आक्रमण गरेर मारेको प्रहरी निरीक्षक भट्टराईले बताए । ‘बाघले आक्रमण गरेर मारेपछि प्रहरीलाई दिउँसो ४ बजेमात्र खबर आयो, त्यसपछि घटनास्थलबाट शव उठाइएको हो,’ उनले भने ‘बाघले बृद्धाको टाउको र खुट्टाको केही भाग नै खाईदिएको छ ।’

घरबाट दाउरा काट्न भन्दै निस्केकी सेती दिउँसोसम्म नफर्केपछि स्थानीय बासिन्दाहरु जंगलभित्र खोज्न गएका थिए । खोजीका क्रममा उनको शव फेला पारेका थिए । स्थानीय बासिन्दाले पाटेबाघलाई फेला भने पारेका छैनन् । तर, घटनाको प्रकृति हेर्दा पाटेबाघले नै मारेको हुन सक्ने स्थानीयको आशंका छ । मृतकको शवलाई पोष्टमार्टमका लागि भेरी अस्पताल नेपालगन्जमा राखिएको ईप्रका प्रहरीले जनाएको छ ।

प्रकाशित मिति: बुधबार, माघ ९, २०८१ २३:०८

प्रतिक्रिया दिनुहोस्