अफगानी जेल प्रमुखलाई १२ वर्ष जेल सजाय

विश्व

Home
विश्व
अफगानी जेल प्रमुखलाई १२ वर्ष जेल सजाय

अफगानी जेल प्रमुखलाई १२ वर्ष जेल सजाय

दूरसञ्‍चार शुक्रबार, वैशाख २, २०७९

एजेन्सी : डच अदालतले बिहीबार एक वृद्ध अफगानी पुरुषलाई सन् १९८० को दशकमा काबुल जेलको कुख्यात हमलामा जिम्मेवार ठहर गर्दै युद्ध अपराधको लागि १२ वर्षको जेल सजाय सुनाएको छ ।

अब्दुल रज्जाक राफिफले ‘कैदीहरूलाई क्रुरतापूर्वक र अनादरपूर्ण व्यवहार गरेका र स्वेच्छाचारी ढंगमा उनीहरूलाई जेलमा दिइने स्वतन्त्रताबाट वञ्चित गरेको अभियोगमा १२ बर्ष जेल सजाय तोकिएको बताइएको छ । न्यायाधीश कोलले भनेका छन्, ‘७६ वर्षीय राफीफले १९८३–८८ को समयमा उनको प्रभावकारी आदेश र नियन्त्रण रहेको पुल-ए-चाखी जेलमा कैदीहरूको दुव्र्यवहारमा प्रमुख भूमिका निर्वाह गरेको पुष्टि भएको छ ।’

उक्त जेलमा हजारौं कैदीहरूलाई यातना दिइएको र कतिपयलाई अन्यायपूर्वक मृत्युदण्डसमेत दिइएको कोलले बताए । सिरिया र अफगानिस्तानलगायत द्वन्द्वग्रस्त राष्ट्रहरूमा भएका अपराधहरूको लेखाजोखा गर्न युरोपेलीहरूले गरेको श्रृंखलाबद्ध प्रयासमा द हेगमा भएको यो मुद्दा सबैभन्दा पछिल्लो मुद्दा हो ।

प्रकाशित मिति: शुक्रबार, वैशाख २, २०७९ ०८:१३

प्रतिक्रिया दिनुहोस्