वडाअध्यक्ष खरेलको किसान लक्षित काम, किसानलाई निःशुल्क घाँसको बीउ

अर्थ

Home
अर्थ
वडाअध्यक्ष खरेलको किसान लक्षित काम, किसानलाई निःशुल्क घाँसको बीउ

वडाअध्यक्ष खरेलको किसान लक्षित काम, किसानलाई निःशुल्क घाँसको बीउ

बाँके (फत्तेपुर) : राप्ती सोनारी गाउँपालिका वडा नम्बर ६ का वडाअध्यक्ष लवराज खरेलले किसान लक्षित कार्यक्रमलाई प्राथमिकता दिएका छन् । वडाका अधिकांस ब्यक्ति कृषि पेशामा निर्भर रहेकाले उनीहरुको अवस्था माथी उठाउन वडाअध्यक्ष खरेलले प्राथमिकतामा राखेका हुन् ।

वडाअध्यक्ष खरेलको नेतृत्वमा वडा नम्बर ६ फत्तेपुरका किसानलाई निःशुल्क रुपमा पोसिलो घाँसको बीउ वितरण गरिएको छ । राप्ती सोनारी ६ नम्बर वडा कार्यालयले २ हजार १ सय पशुका लागि किसानलाई निःशुल्क घाँसको बीउ वितरण गरिएको खरेलले जानकारी दिए । पशुको संख्या हेरेर एक जना किसानलाई १ देखि ५ किलोसम्म घाँसको बीउ वितरण गरिएको उनले बताए ।

दुई हजार एक सय पशुलाई पुग्ने गरी १ देखी ५ किलोसम्म पशुको संख्या हेरेर बीउ वितरण गरिएको वडाअध्यक्ष खरेलले बताए । पशुपालक किसानको संख्या बढाउन र किसानलाई प्रोत्साहन स्वरुप एक हजार पाँच सय घर धुरीलाई १० क्वीन्टल ८० किलो बीउ वितरण गर्ने लक्ष्य राखिएको वडा नम्बर ६ को कार्यालयले जनाएको छ ।

उक्त वडामा हाल ९० प्रतिशत बाख्रा पालक किसानहरु रहेका छन् । यस्तै साढे २२ प्रतिशत गाई, गोरु र भैंसी पालक किसान रहेको जनाइएको छ । ‘यो घाँस पशुहरुका लागि अत्यन्त पोषिलो मानिन्छ, यो घाँसलाई राम्ररी हुर्काउन सकेको खण्डमा बैशाख जेठको खडेरीमा पनि पशुहरुलाई खुवाउन सकिन्छ,’ खरेलले दूरसञ्चार डटकमसँग भने ।

Rapti Sonari 6 Ghas ko Biu1668055000.jpg