भूकम्प जादाँ टर्की र सिरियामा ५ सयभन्दा बढीको मृत्यु

विश्व

Home
विश्व
भूकम्प जादाँ टर्की र सिरियामा ५ सयभन्दा बढीको मृत्यु

भूकम्प जादाँ टर्की र सिरियामा ५ सयभन्दा बढीको मृत्यु

एजेन्सी सोमबार, माघ २३, २०७९

टर्की : मध्य टर्की र उत्तरपश्चिमी सिरियामा गएको शक्तिशाली भूकम्पमा परी मृत्यु हुनेको संख्या ५ सय भन्दा बढी पुगेको छ । त्यसैगरी हजारौं घाइते भएका छन् । मृत्यु हुनेको यो संख्या तीव्र गतिमा बढिरहेको अधिकारीहरुले बताएका छन् ।

भूकम्पमा परी भत्किएका भग्नावशेषमा बाँचेकाहरूको खोजी सुरु गरिएको बिबीसीले जनाएको छ । सिरियाको अलेप्पो, लताकिया, हामा र टार्टसमा भूकम्पका कारण ठूलो क्षति पुगेको समाचार छ । एलेप्पोमा ठूलो संख्यामा भवनहरू भत्किएको खबर आएको छ ।

सिरियामा विद्रोहीको कब्जामा रहेका क्षेत्रमा कति क्षति भयो भन्ने अहिलेसम्म कुनै जानकारी आएको छैन । स्थानीय समय अनुसार सोमबार बिहान ७.८ म्याग्निच्युडको ठूलो भूकम्प गएको थियो । त्यसपछि ४० भन्दा बढी पराकम्पहरू गइसकेको बताइएको छ । टर्कीका राष्ट्रपति अर्दोआनले देशमा संकटकाल लगाएका छन् ।

प्रकाशित मिति: सोमबार, माघ २३, २०७९ २२:५६

प्रतिक्रिया दिनुहोस्