मोरोक्कोमा शक्तिशाली भूकम्प, ६ सय ३२ को मृत्यु

विश्व

Home
विश्व
मोरोक्कोमा शक्तिशाली भूकम्प, ६ सय ३२ को मृत्यु

मोरोक्कोमा शक्तिशाली भूकम्प, ६ सय ३२ को मृत्यु

मोरोक्को : मोरोक्कोमा शक्तिशाली भूकम्प जाँदा ६ सय ३२ जनाको मृत्यु भएको छ । स्थानीय समयअनुसार शुक्रबार राति ११ बजेर ११ मिनेटमा ६.८ म्याग्नेच्युडको भूकम्प जाँदा ६ सय ३२ जनाको मृत्यु भएको सिएनएनले जनाएको छ । यस्तै घाइते हुनेको संख्या ३ सय २९ पुगेको छ ।

पर्यटकीय शहर माराकेशबाट ७१ किलोमिटर दक्षिण पश्चिममा केन्द्रबिन्दु बनाएर भूकम्प गएको थियो । धेरैजस्तो मानवीय क्षति माराकेश शहरमा भएपनि अन्य पाँच प्रान्तमा पनि भूकम्पको धक्का महशुस भएको थियो । मोरोक्कन सरकारले आफ्ना नागरिकहरूलाई रक्तदान गर्न पनि आह्वान गरेको छ ।

घाइतेको उपचारका लागि आवश्यक पर्ने हुँदा रक्तदान गर्न मोरोक्कोको ब्लड ट्रान्सफ्युसन एन्ड हेमाटोलोजी सेन्टरले आह्वान गरेको हो । भूकम्पबाट क्षतिग्रस्त ठाउँमा उद्धार टोली खटिएको छ ।

यद्यपि भूकम्पले थुप्रै भवन, सडकहरू भत्किएको र अवरूद्ध भएकाले पनि उद्धार गर्न समस्या भइरहेको सिएनएनले जनाएको छ । माराकेशका ऐतिहासिक पर्खालहरूमा पनि क्षति पुगेको छ । शक्तिशाली भूकम्पपछि संयुक्त राष्ट्रसंघले मोरोक्कन सरकारलाई सहयोग गर्न तयार भएको घोषणा गरेको छ ।

प्रकाशित मिति: शनिबार, भदौ २३, २०८० २१:५८

प्रतिक्रिया दिनुहोस्