'झल्लु प्रसाद' भए कविता प्रतियोगितामा प्रथम

समाज

Home
समाज
'झल्लु प्रसाद' भए कविता प्रतियोगितामा प्रथम

'झल्लु प्रसाद' भए कविता प्रतियोगितामा प्रथम

ललितपुर : सामुदायिक वन उपभोक्ता महासंघ, नेपाल (फेकोफन)ले गरेको ‘लैङ्गिक हिंसा विरुद्धको १६ दिने अभियान’ विषयक कविता प्रतियोगितामा राजु झल्लु प्रसाद प्रथम भएका छन् ।

गोदावरी वनस्पति उद्यानमा सम्पन्न प्रतियोगितामा सुरज पराजुली द्वितीय, मनिषा श्रेष्ठ तृर्तिय र विशाल साउदले सान्त्वना पुरस्कार पाएका छन् । महासंघका सचिव डिल्ली गिरीले दिएको जानकारी अनुसार उक्त प्रतियोगितामा सुष्मा तिमिल्सिना, राजु उवरकोटी, जनक कार्की, सूर्य दाहाल, सुजाता बस्याल सहित ११ जना प्रतिस्पर्धीले कविता वाचन गरेका थिए ।

प्रतियोगितामा सरस्वती माध्यामिक बिद्यालय भक्तपुरका शिक्षक शिवराम उप्रेतीले निर्णायकको भूमिका निभाएका थिए । ‘लैंगिक हिंसा अन्त्यको सुनिश्चितता महिला र बालबालिकामा लगानीको ऐक्यवद्धता’ भन्ने मूल नारासहित लैंगिक हिंसा विरुद्धको १६ दिने अभियानका सन्दर्भमा महासंघले छैटौँ दिन कविता प्रतियोगिता गरेको हो ।

उक्त कार्यक्रम सञ्चालन सचिव गिरीले गरेका थिए । उनले लिंगमा आधारित हिंसा महिला र पुरुषबीच असमान शक्ति र सम्बन्धको परिमाण स्वरूप सिर्जित आपराधिक कृत्य मात्र नभई मानवअधिकारको घोर उल्लंघन भएको बताए ।

प्रकाशित मिति: बिहीबार, मंसिर १४, २०८० २०:३०

प्रतिक्रिया दिनुहोस्