नेपालगन्ज : ‘१५ औं जिल्ला स्तरीय राष्ट्रपति रनिङ शिल्ड खेलकुद प्रतियोगितामा पहिलो दिन पहिलो दिन विभिन्न विधाका खेल सम्पन्न भएका छन् । बाँके जिल्ला खेलकुद विकास समितिको आयोजनामा नेपालगन्ज रंगशालामा उक्त प्रतियोगिता सुरु भएको हो ।
प्रतियोगितामा कबड्डी छात्रातर्फ सम्पन्न खेलमा खजुरा गाउँपालिका र नेपालगन्ज उपमहानगपालिका फाइनलमा पुगेका छन्, भने बैजनाथ गाउँपालिका र कोहलपुर नगरपालिका तेस्रो स्थान ओगट्न सफल भएका छन् । यस्तै छात्रतर्फको कबड्डी भने आइतबार (भोली) हुनेछ ।
नेपालगन्ज रंगशालाको कर्भड हलमा भएको छात्र भलिबलतर्फ फाईनलमा कोहलपुर नगरपालिका र बैजनाथ गाउँपालिका भिड्नेछन् । आइतबार भएको खेलमा राप्ती सोनारीलाई बैजनाथले र कोहलपुरले नेपालगन्जलाई हराउँदै फाईनलमा पुगेका हुन् । नेपालगन्जलाई हराउँदै राप्ती सोनारी तेस्रो स्थान हुन सफल भयो ।
शनिबार नै सम्पन्न कराँतेतर्फ कोहलपुर नगरपालिकाले ८ गोल्ड, ३ सिल्भर प्राप्त गर्दै प्रथम भयो । बैजानाथ गाउँपालिकाले ४ गोल्ड, ७ सिल्भर र एक ब्राउन्ज जित्दै दोस्रो स्थान ओगट्न सफल हुँदा राप्ती सोनारी गाउँपालिकाले एक सिल्भर र ८ ब्राउन्ज जित्दै तेस्रो स्थान ओगट्न सफल भयो । कराँते छात्रातर्फको ४० केजीमा कोहलपुरकी रोजी थापा प्रथम, राप्ती सोनारीकी विपना श्रेष्ठ दोस्रो र बैजनाथकी अन्जना थारु तेस्रो भए । यस्तै ४५ केजीतर्फ बैजनाथकी बबिता बि.क. प्रथम, कोहलपुरकी सुनिता सुनार दोस्रो र राप्ती सोनारीकी डेनिसा ओलीले तेस्रो स्थान प्राप्त गरिन् ।
छात्रा कराँते ५० केजीतर्फ बैजनाथकी सिता बि.क प्रथम र राप्ती सोनारीकी अनिसा परियार तेस्रो भइन् । यस्तै ५५ केजीतर्फ छात्रा कराँतेमा कोहलपुरकी पास्ना योञ्जन प्रथम, बैजनाथकी कल्पना राना दोस्रो र राप्ती सोनारीकी रोजिना थारुले तेस्रो स्थान प्राप्त गरे ।
यस्तै ६० केजी कराँते छत्रातर्फ कोहलपुरकी अनु चन्द प्रथम हुँदा बैजनाथकी लक्ष्मी बुढाथोकीले दोस्रो स्थान प्राप्त गरिन् । यसैगरी कराँते छात्र ४२ केजीतर्फ कोहलपुर नगरपालिकाका सुमनसिंह ठकुरी प्रथम हुँदा बैजनाथ गाउँपालिकाका अभिषेक बि.कले दोस्रो स्थान प्राप्त गरे ।
कराँते छात्र ४७ केजीतर्फ कोहलपुरका सन्दिप शाही प्रथम, बैजानाथका समिर थारु दोस्रो र राप्ती सोनारीका अमृत थारुले तेस्रो स्थान प्राप्त गरे । यसैगरी ५२ केजीतर्फ कोहलपुरका सुमन बुढा प्रथम, बैजनाथका मेघराज विक दोस्रो र राप्ती सोनारीका आभाष रुचालले तेस्रो स्थान प्राप्त गरे ।
कराँते छात्र ५७ केजीतर्फ कोहलपुरका सुशान्तसिहं ठकुरी प्रथम हुँदा बैजनाथका विशाल खत्रीले दोस्रो स्थान प्राप्त गरे । यसैगरी कराँते छात्र ६२ केजीतर्फ बैजनाथका प्रेम रम्तेल प्रथम, कोहलपुरका शिवम पुनमगर दोस्रो र राप्ती सोनारीका अरुण बुढाथोकीले तेस्रो स्थान प्राप्त गरे ।
कराँतेकै काता छात्र विधामा कोहलपुरका वसन्त थारु प्रथम, बैजनाथका प्रेम रम्तेल दोस्रो र राप्ती सोनारीका मनिकराज कुमाल तेस्रो भए । काता छात्रातर्फ बैजनाथकी बविता विक प्रथम, कोहलपुरकी सुनिता सुनार दोस्रो र राप्ती सोनारीकी डेनिशा ओलीले तेस्रो स्थान प्राप्त गरिन् ।
शनिबार नै सम्पन्न ४×१०० रिले छात्रातर्फ राप्ती सोनारी प्रथम, नेपालगन्ज दोस्रो र बैजनाथले तेस्रो स्थान प्राप्त गर्न सफल भयो । ४×१०० रिले छात्रतर्फ खजुरा प्रथम, नेपालगन्ज दोस्रो र राप्ती सोनारीले तेस्रो स्थान प्राप्त गर्न सफल भयो । छात्र १५०० मिटर दौडतर्फ राप्ती सोनारीका करण नेपाली प्रथम, खजुराका राहुल धौलागिरी र कोहलपुरका निराजन शाही तेस्रो हुनुभयो ।
यसैगरी छात्रा १५०० मिटरतर्फ राप्ती सोनारीकी अनिशा थारु प्रथम, कोहलपुरकी दिशिखा शाही दोस्रो र राप्ती सोनारीकी सुष्मा खड्काले तेस्रो स्थान हाँसिल गरे । छात्र १०० मिटरतर्फ दौडमा बैजनाथका मनोज बि.क प्रथम हुँदा बैजनाथकै पुरन थापा दोस्रो भए, भने कोहलपुरका प्रतिक सुनारले तेस्रो स्थान प्राप्त गरे । यस्तै छात्रा १०० मिटरतर्फको दौडमा नेपालगन्जकी आरुषी भट्टराई प्रथम, राप्ती सोनारीकी सम्झना थारु दोस्रो हुँदा नेपालगन्जकै तुलसी बि.कले तेस्रो स्थान प्राप्त गरे ।
छात्रा ४०० मिटर दौडतर्फ राप्ती सोनारीकी अनिसा थारु प्रथम हुँदा राप्ती सोनारीकै रामकुमारी थारु दोस्रो भइन् भने कोहलपुरकी स्वस्तिका शाहीले तेस्रो स्थान प्राप्त गरिन् । छात्र लङजम्पतर्फ राप्ती सोनारीका रमेश थारु प्रथम, बैजनाथका यूवराज खत्री दोस्रो र राप्ती सोनारीकै आशिक थारुले तेस्रो स्थान प्राप्त गरे । यस्तै छात्रा लङजम्पतर्फ नेपालगन्जकी चमेली चौधरी प्रथम, कोहलपुरकी तुलसी दमाई दोस्रो र बैजनाथकी रेणु बि.एमले तेस्रो स्थान प्राप्त गरे ।
छात्रा शटपटतर्फ नेपालगन्जकी आरुषी भट्टराई प्रथम हुँदा नेपालगन्जकै रिमा राना दोस्रो र बैजनाथकी अस्मिता महतराले तेस्रो स्थान प्राप्त गरे । यसैगरी छात्र सटपटतर्फ राप्ती सोनारीका विराज विक प्रथम, बैजनाथका अमित सिंह दोस्रो र खजुराका प्रसुन गुरुङले तेस्रो स्थान प्राप्त गरे ।
जिल्ला खेलकुद विकास समिति बाँकेका उपाध्यक्ष चेतकान्त भट्टराईका अनुसार प्रतियोगितामा करिव १ हजार खेलाडी सहभागी भएका छन् । प्रतियोगिताको दोस्रो दिन आइतबारका खेलहरु बिहान ७ बजेदेखि सञ्चालन गरिनेछ ।
