‘५० प्रतिशत भन्दा बढी सदस्यको भावना, चाहना र मागको उपेक्षा गरियो’

राजनीति

Home
राजनीति
‘५० प्रतिशत भन्दा बढी सदस्यको भावना, चाहना र मागको उपेक्षा गरियो’

‘५० प्रतिशत भन्दा बढी सदस्यको भावना, चाहना र मागको उपेक्षा गरियो’ काँग्रेसको महासमिति सदस्यबाट पुर्वमन्त्री हमालको राजिनामा प्रकरण

दूरसञ्‍चार आइतबार, फागुन १३, २०८०

राजिनामाबारे आफ्नो भनाई राख्दै पुर्वमन्त्री गजेन्द्र हमाल । तस्बिर : भिष्म लोध

नेपालगन्ज : पुर्वमन्त्री गजेन्द्र हमालले ५० प्रतिशत भन्दा बढी सदस्यको भावना, चाहना र मागको उपेक्षा गरेका कारण आफुले नेपाली काँग्रेसको महासमिति सदस्यबाट राजिनामा दिनु परेको प्रष्ट्याएका छन् । नेपाली काँग्रेसको महासमिति बैठक समापनका दिन यही फागुन १० गते पुर्वमन्त्री हमालले राजिनामा दिएको घोषणा गरेका थिए ।

नेपाली काँग्रेस बाँकेका सभापति नारायणप्रसाद गौडेललाई सम्बोधन गरेर आइतबार बुझाएको राजिनामा पत्रमा पुर्व जिल्ला सभापति समेत रहेका हमालले लेखेका छन्, ‘नेपाली काँग्रेसको महासमितिको बैठकमा सनातन हिन्दु राष्ट्रको माग राख्दै ५० प्रतिशत भन्दा बढी महासमितिका सदस्यहरुले हस्ताक्षर गरी बुझाएको पत्र दर्ता मात्र भै महासमितिको बैठकमा प्रवेश समेत नपाएको हुँदा हिन्दु राष्ट्र हुनुपर्ने माग गर्ने सबै साथीहरुको भावना, चाहना र मागको उपेक्षा गरिएको हुँदा हिन्दु राष्ट्रको एजेण्डालाई सफल बनाउन नसकेकोले मलाई नैतिकताले पनि महासमितिको सदस्य पदमा बसिरहन उचित नभएको महसुस गरी उक्त पदबाट आजैदेखी राजिनामा दिएको छु ।’

हिन्दु राष्ट्र स्थापनार्थ सञ्चालित महाअभियानलाई सार्थक बनाउन निरन्तर लागि रहने पुर्वमन्त्री हमालले उल्लेख गरेका छन् । उक्त राजिनामा पत्रमा काँग्रेस केन्द्रीय कार्यालय ललितपुरलाई बोधार्थ दिइएको छ ।

Gajendra Hamal ko Rajinama1708876650.jpg