पुर्वमन्त्री हमालले दिए काँग्रेस महासमिति सदस्यबाट राजिनामा

राजनीति

Home
राजनीति
पुर्वमन्त्री हमालले दिए काँग्रेस महासमिति सदस्यबाट राजिनामा

पुर्वमन्त्री हमालले दिए काँग्रेस महासमिति सदस्यबाट राजिनामा 'नैतिकताले महासमितिको सदस्य पदमा बसिरहनु उचित लागेन'

नेपालगन्ज : पुर्वमन्त्री गजेन्द्र हमालले नेपाली काँग्रेसको महासमिति सदस्य पदबाट राजिनामा दिएका छन् । सामाजिक सञ्जाल फेसबुकमार्फत उनले राजिनामा दिएको घोषणा गरेका हुन् ।

ललितपुरको गोदावरीमा बिहीबार सम्पन्न भएको नेपाली काँग्रेसको महासमिति बैठकमा सनातन हिन्दू राष्ट्र हुनुपर्ने माग राख्दै ५० प्रतिशत भन्दा बढी सदस्यले हस्ताक्षर बुझाएका थिए । हस्ताक्षर संकलन अभियानमा सक्रिय भूमिका निभाएका काँग्रेस बाँकेका पुर्वसभापति समेत रहेका हमालले हस्ताक्षर संकलन गरेर बुझाएपनि पार्टीले कुनै निर्णय नगरेको भन्दै राजिनामा दिनु परेको बताएका छन् ।

‘५० प्रतिशत भन्दा बढी सदस्यले हस्ताक्षर गरि बुझाएको पत्र दर्ता मात्र भयो, कार्यान्वयन गरिएन,’ हमालले सामाजिक सञ्जालमा लेखेका छन्, ‘हिन्दु राष्ट्र हुनुपर्ने माग राख्ने सबै साथीहरुको उपेक्षा गरिएको हुँदा र हिन्दू राष्ट्रको एजेण्डालाई सफल बनाउन नसकेको हुँदा नैतिकताले पनि महासमितिको सदस्य पदमा बसिरहनु उचित नभएको हुँदा राजिनामा दिने घोषणा गर्दछु ।’

Gajendra Hamal_Facebook Status1708619601.jpg