नेपालगन्ज : ‘ओमोडा ई–फाइभ’ नेपालगन्जमा औपचारिक रुपमा सार्वजनिक भएको छ । ओमोडा एण्ड जेको अटोमोबाईल्स कम्पनीले आफ्नो फ्ल्यागसिप भेरियन्ट ओमोडा ई–फाइभ शनिबार औपचारिक कार्यक्रम बीच सार्वजनिक गरेको हो । कार्यक्रमका प्रमुख अतिथी एवम् नेपालगन्ज उपमहानगरपालिकाका मेयर प्रशान्त विष्टले ओमोडा ई–फाइभलाई सार्वजनिक गरे ।
चिनियाँ सवारी निर्माता चेरी अटोमोबाइल्स कम्पनी लिमिटेडको विद्युतीय गाडी ओमोडा ई–फाइभको मूल्य ६१ लाख ९९ हजार रुपैयाँ कायम गरिएको ओमोडा नेपालका महाप्रबन्धक ज्ञानेन्द्र बहादुर चन्दले जानकारी दिए । उनका अनुसार ओमोडा ई–फाइभ नेपालभर ३ सय ५० भन्दा बढी भित्रिसकेको र नेपालगन्जमा पनि करिव १३ वटा गुडिरहेका छन् ।
नेपालगन्जका लागि चेरी अटोमोबाइलको आधिकारिक बिक्रेता सारदा ग्रुप अन्तर्गतको सिद्धार्थ टेक प्रा.लि. ले यो गाडीको मूल्य सार्वजनिक गरेको हो । कम्पनीले नेपालमा सुरुवाती चरणमा ई–फाइभ मोडेलको लङ रेन्ज भेरियन्ट ल्याएको कार्यक्रममा बताइएको छ ।
ओमोडा ई–फाइभको लम्बाई ४४२४ एमएम, चौडाई १८३०, उचाई १५८८ र ह्वीलबेस २६३० एमएम रहेको छ । यो गाडीको ग्राउण्ड क्लियरेन्स १८० एमएम रहेको छ । एक पटकको चार्जमा ५ सय १० किलोमिटर रेञ्ज दिने यो गाडीले शून्यदेखि १ सय किलोमिटरको गति ७.६ सेकेण्डमै पकड्ने कम्पनीको दाबी छ । ६१ किलोवाट ब्याट्री क्षमतामा आएको ओमोडा ई–५ उत्कृष्ट ९९ किलोवाट पावर सहित लग्जरियस सुविधामा आएको छ ।
यसको टर्क ३४० एनएम रहेको छ, भने टप स्पिड १ सय ७२ किलोमिटर प्रति घण्टा रहेको छ । यसमा १८ इन्चको स्पोट्र्स ह्विल छ भने १० वाट वाइन्ड रेसिस्टेन्स ह्विल रहेको छ ।यसको बाहिरी एक्स्टेरियरमा, एक्स(आकारको फ्रन्ट फेस र डायनामिक फास्टब्याक आकार, स्ट्याग्रड मेट्रिक्स टेललाइट, टी–आकारको डेटाइम रनिङ हेडलाइट सहित अत्याधुनिक र मनमोहक डिजाइन छ ।
भित्र इन्टेरियरमा, २५६ रङको एम्बियन्ट लाइट, सोनीको प्रिमियम ८ स्पिकर सहितको क्रोम डोर ह्यान्डल, इलेक्ट्रिक सनरूफ, ५० वाटको वायरलेस फोन चार्जर, भेन्टिलेटेड सिटहरू, ६ वटा एयरब्याग जस्ता सुविधा पाइन्छ, जसले प्रयोगकर्ताहरूलाई सहज, आरामदायी र समृद्ध यात्रा अनुभव प्रदान गर्दछ । यसको अर्को आकर्षण, २८ मिनेटमै ३० प्रतिशतबाट ८० प्रतिशतमा चार्ज गर्न सक्ने द्रुत चार्जिङ प्रविधि पनि रहेको कम्पनीको भनाइ छ । कम्पनीका अनुसार यो गाडीमा सन रुफ समेत दिइएको छ ।
त्यस्तै यसमा २५६ कलर एम्बियन्ट लाइट समावेश गरिएको छ । ६१ किलोवाट आवर क्षमताको ब्याट्री रहेको गाडीमा कम्पनीले ९९ किलोवाट क्षमताको मोटर उपलब्ध गराएको छ । फास्ट चार्जरमार्फत यो गाडीलाई ३० देखि ८० प्रतिशतसम्म चार्ज गर्न २८ मिनेट लाग्ने कम्पनीको दाबी छ । कम्पनीका अनुसार हरेक १०० किलोमिटरमा १५।५ किलोवाट आवर पावर खपत हुनेछ ।
ट्राफिक जाममा पनि सुरक्षित र आरामदायी यात्राका लागि यो गाडीमा ट्राफिक जाम असिस्टेन्ट (टीजेए) तथा रियर एक्रस ट्राफिक असिस्टेन्ट (आरसीटीए) समावेश गरिएको छ । गाडीमा भएका विभिन्न सेन्सरले गाडीको अगाडि, पछाडि, दायाँ वा बायाँ कुनै वस्तु ठोक्किन आए तुरुन्त अलर्ट दिनेछ । यसमा कम्पनीले सात ओटा एयर ब्याग दिएको छ । लेन किपिङ असिस्टेन्ट, डिपार्चर रिमाइन्डर, आईईएस, फ्रन्ट कोलाइजन वार्निङ, अटोनोमस इमर्जेन्सी ब्रेकिङ, ट्राफिक जाम एभोइडेन्स असिस्टेन्ट, डोर ओपन वार्निङ यो गाडीमा भएका सेफ्टी फिचरहरू हुन् ।
महाप्रबन्धक चन्दले नेपालमा अबको १५ दिनमा विभिन्न ठाँउमा कम्पनीको आफ्नै फास्ट चार्जिङ स्टेशन समेत सञ्चालन गर्ने तयारी रहेको बताए । सिद्धार्थ टेक प्रा.लि.का प्रबन्ध निर्देशक विवेक कुमार श्रेष्ठले शनिबार लञ्चिक क्रममा बुकिङ गर्ने ग्रहकलाई ५० हजार क्यास ब्याक गर्ने उत्कृष्ट अवसरको घोषणा पनि गरे ।
