अमेरिकामा भयानक कार दुर्घटना हुँदा दुई नेपालीको मृत्यु

विश्व

Home
विश्व
अमेरिकामा भयानक कार दुर्घटना हुँदा दुई नेपालीको मृत्यु

अमेरिकामा भयानक कार दुर्घटना हुँदा दुई नेपालीको मृत्यु

अमेरिका : अमेरिकाको भर्जिनिया राज्यको च्यान्टिलीमा कार दुर्घटनाहुँदा दुई नेपाली युवाको मृत्यु भएको छ । दुर्घटनामा चालकसहित दुई जना घाइते भएका छन् ।

शुक्रबार सबेरै भएको दुर्घटनामा रुकुमका सुरेश केसी र बर्दियाका विवेक सुवेदीको मृत्यु भएको एनबीसी वासिङ्गटन डटकमले जनाएको छ । स्थानीय सञ्चारमाध्यमका अनुसार तिब्र गतिमा रहेको फोर्डको मुस्ताङ्ग कार सडक नजिकैको रुखमा ठोक्किएर दुर्घटनामा परेको हो ।

चालकको लापरबाहीले दुर्घटना भएको प्रहरीले जनाएको छ । चालक विजय तामाङ्ग र मोहन श्रेष्ठ घाइते भएका हुन् । दुवैको अवस्था सामान्य रहेको बताइएको छ । कारचालक ३० वर्षीय तामाङलाई प्रहरीले पक्राउ गरेको छ ।

उनीमाथि दुई जनाको हत्या अभियोगमा प्रहरीले मुद्दा चलाउने तयारी गरेको छ । कारमा चारजना सवार थिए । प्रहरीका अनुसार चालक तामाङ्गले अत्याधिक मदिरा सेवन गरेका थिए ।

प्रकाशित मिति: शनिबार, मंसिर ८, २०८१ १२:१८

प्रतिक्रिया दिनुहोस्