चितवन राष्ट्रिय निकुञ्जले खोल्यो पर्यटकीय गतिविधि

यात्रा

Home
यात्रा
चितवन राष्ट्रिय निकुञ्जले खोल्यो पर्यटकीय गतिविधि

चितवन राष्ट्रिय निकुञ्जले खोल्यो पर्यटकीय गतिविधि

चितवन : कोरोना महामारीका कारण बन्द रहेको चितवन राष्ट्रिय निकुञ्जको पर्यटकीय गतिविधी खुल्ला गरिएको छ । चितवन राष्ट्रिय निकुञ्जमा स्वदेशी र विदेशी पर्यटकका लागि खुला गरिएको हो ।

कोभिड–१९ को दोस्रो लहरसँगै पर्यटकीय गतिविधि बन्द थिए । हरेक वर्ष वर्षायाममा बन्द रहने निकुञ्जभित्रको पर्यटकीय गतिविधि वर्षा सकिएसँगै खुला हुने गर्दछ। यस वर्ष कोभिडका कारण वैशाखयता बन्द भएको गतिविधि खुला भएको हो ।

निकुञ्जका प्रमुख संरक्षण अधिकृत अणनाथ बरालले निकुञ्जभित्र र बाहिरका सबै पर्यटकीय गतिविधि खुला गरिएको बताए । निकुञ्जभित्रका बाटो मर्मत सकिएसँगै जीप सफारी सुरु गरिएको उनले जनाए ।

निकुञ्जका गतिविधि खुला भएसँगै पर्यटकको संख्या बढ्ने अपेक्षा गरिएको छ । चाडपर्व सुरु भएकाले आन्तरिक पर्यटक क्रमशः बढ्दै गएको बरालले बताए ।

प्रकाशित मिति: आइतबार, असोज १७, २०७८ १०:१५

प्रतिक्रिया दिनुहोस्