‘अस्टिम्की’ लोक चित्रकलाको संरक्षणप्रति चिन्ता ब्यक्त

कला/साहित्य

Home
कला/साहित्य
‘अस्टिम्की’ लोक चित्रकलाको संरक्षणप्रति चिन्ता ब्यक्त

‘अस्टिम्की’ लोक चित्रकलाको संरक्षणप्रति चिन्ता ब्यक्त

नेपालगन्ज : थारु समुदाय र अस्टिम्की लोक चित्रकलाको संरक्षणप्रति चिन्ता ब्यक्त गरिएको छ । थारु समुदायले परम्परागत रुपमा मनाउँदै आएको अस्टमी पर्व नजिक आइरहेका बेला जंग्रार साहित्यिक बखेरी नेपालले नेपालगन्जका पत्रकारहरुमाझ यस्तो चिन्ता प्रकट गरेको हो ।

थारु सँस्कृति अनुसन्धानदाता एवम् साहित्यकार शेखर दहितले पछिल्लो समयमा अस्टिम्की सम्बन्धी चित्रकलामा मौलिकपन हराउँदै गएको भन्दै चिन्ता ब्यक्त गरे । मौलिकपन हराउँदै जादाँ कतै थारु सँस्कृति र परम्परालाई पछिल्ला पुस्ताले बिर्सिने हुन कि भन्ने खतरा उनले औल्याए ।

जंग्रार साहित्यिक बखेरी नेपालका अध्यक्ष एवम् थारु साहित्यकार सोम डेमनडौराले अस्टिम्कीमा राखिने हरेक आकृति, प्रतिक चिन्हको साँस्कृतिक र वैज्ञानिक अर्थ रहेको बताए । पछिल्लो समयमा आफुखुसी चित्र बनाउँदा थारु सँस्कृति र परम्परामाथी चुनौती थपिएको उनको भनाई छ । उनका अनुसार विशेषगरी अस्टिम्की पर्वलाई दाङ, सुर्खेत, बाँके, बर्दिया, कैलाली र कञ्चनपुरका थारु समुदायले परम्परागत रुपमा मनाउँदै आएको अध्यक्ष डेमनडौराले जानकारी दिए ।

पछिल्लो समयमा यि जिल्लाबाट अन्यत्र बसाई सरेका स्वदेश र विदेशका कुना-कुनामा रहेका थारु समुदायले पनि मनाउँदै आएका छन् । पत्रकार भेटघाटका क्रममा थारु समुदायका अगुवा सुमित्रा चौधरी, पत्रकार बिमला चौधरी लगायत उपस्थित भएका थिए ।

प्रकाशित मिति: सोमबार, भदौ १५, २०८३ २३:२८

प्रतिक्रिया दिनुहोस्