काँग्रेस सुदुरपश्चिम प्रदेशमा बलायरको प्यानल निर्वाचित

विशेष

Home
विशेष
काँग्रेस सुदुरपश्चिम प्रदेशमा बलायरको प्यानल निर्वाचित

काँग्रेस सुदुरपश्चिम प्रदेशमा बलायरको प्यानल निर्वाचित

धनगढी : नेपाली काँग्रेसको १४ औं महाधिवेशन अन्तर्गत सुदुरपश्चिममा भएको निर्वाचनमा बीरबहादुर बलायर सभापति पदमा निर्वाचित भएका छन् । सुदुरपश्चिम प्रदेशको नयाँ नेतृत्व चयन गर्नका लागि शनिबार मतदान भएकाो थियो ।

संस्थापन (देउवा) पक्षका बलायरले निकटतम प्रतिद्धन्द्धी संस्थापन इतर ( कोइराला/पौडेल) पक्षका नारायणदत्त मिश्रलाई ४ सय ८ मतको अन्तरले हराउँदै विजयी भएका हुन् । कुल खसेको १ हजार ३ मत मध्ये बलायरले ६ सय ८८ मत ल्याएका छन् । यस्तै मिश्रले २ सय ८० मत प्राप्त गरे ।

बलायरसँगै पदाधिकारीमा पनि संस्थापन (देउवा) प्यानलकै निर्वाचित भएका छन् । उपसभापतिद्वय जनकराज चौधरी र लोकराज अवस्थी, महामन्त्रीमा नरनारायण शाह र मेघराज खड्का तथा सहमहामन्त्रीमा चिन्तामणि भट्ट, गोपालदत्त भट्ट र अम्बिका चलाउने निर्वाचित भएको निर्वाचन समितिले जनाएको छ । अन्य ५१ जना सदस्यहरुको मतगणना भने जारी नै रहेको निर्वाचन समितिका एक पदाधिकारीले जानकारी दिए ।

प्रकाशित मिति: आइतबार, मंसिर १९, २०७८ १२:०७

प्रतिक्रिया दिनुहोस्