दाङमा बाढीले कार बगाउँदा चार जनाको मृत्यु

समाज

Home
समाज
दाङमा बाढीले कार बगाउँदा चार जनाको मृत्यु

दाङमा बाढीले कार बगाउँदा चार जनाको मृत्यु मृतकको शव राप्ती स्वास्थ्य विज्ञान प्रतिष्ठानमा

दूरसञ्‍चार बिहीबार, भदौ १७, २०७८

दाङ : दाङको सिस्ने खोलामा आएको बाढीले कार बगाउँदा चार जनाको मृत्यु भएको छ । घोराही लमही सडक खण्डको घोराही उपमहानगरपालिका ४ सिस्ने खोलामा आएको बाढीले गाडी बगाउँदा ४ जनाको मृत्यु भएको जिल्ला प्रहरी कार्यालय दाङका प्रवक्ता तथा डिएसपी मुकुन्द रिजालले जानकारी दिए ।

प्रदेश ०३– ०१ –०२४ च ४४४० नम्बरको कारलाई खोलाले बुधबार राति करिव १० बजेतिर बगाएको थियो । मृत्यु हुनेमा घोराही उपमहानगरपालिका १३ बस्ने ४० वर्षीया रिता माया पुन, सोही ठाउँकी ३२ वर्षीया सुशीला श्रेष्ठ, घोराही १४ की ३१ वर्षीया राधा कुँवर र सोही ठाउँकी ४२ वर्षीया बिमला केसी रहेका छन् । गाडी चालक घोराही १५ का ४० वर्षीय नरबहादुर पुनको खुट्टा भाँचिएको छ ।

उनको राप्ती स्वास्थ्य विज्ञान प्रतिष्ठान दाङमा उपचार भैरहेको प्रहरीले जनाएको छ । मृतकको शवलाई राप्ती स्वास्थ्य विज्ञान प्रतिष्ठानमा राखिएको प्रवक्ता रिजालले बताएका छन् । कारमा सवार ब्यक्तिहरु नेपालगन्जबाट बुधबार दिउँसो किनमेल गरेर फर्किदै गरेको बुझिएको छ ।

प्रकाशित मिति: बिहीबार, भदौ १७, २०७८ ११:०१

प्रतिक्रिया दिनुहोस्