तोडफोड घटनाको छानबिन गर्न समिति गठन

समाज

Home
समाज
तोडफोड घटनाको छानबिन गर्न समिति गठन

तोडफोड घटनाको छानबिन गर्न समिति गठन

सुनसरी : बर्जु घटनाको विषयमा छानबिन गर्न सुनसरी प्रशासनले छानबिन समिति गठन गरेको छ । महोत्सवका क्रममा मंगलबार भएको तोडफोड र आगजनीको घटना छानबिनका लागि जिल्ला प्रशासन कार्यालय सुनसरीले सहायक प्रमुख जिल्ला अधिकारीको संयोजकत्वमा ५ सदस्यीय समिति गठन गरेको हो ।

सहायक प्रमुख जिल्ला अधिकारी आनन्द पौडेलको संयोजकत्वमा जिल्ला प्रहरी कार्यालय सुनसरीका डिएसपी नरेन्द्रकुमार कार्की, सशस्त्र प्रहरी बल ४ नम्बर गणका डिएसपी मित्रलाल श्रेष्ठ, राष्ट्रिय अनुसन्धान जिल्ला कार्यालयका अनुसन्धान अधिकृत किरण भट्टराई र बर्जु गाउँपालिकाका प्रमुख प्रशासकीय अधिकृत प्रमोद चौधरी सदस्य रहेको छानबिन समिति गठन भएको हो ।

समितिलाई ५ दिनभित्र प्रतिवेदन बुझाउन भनिएको छ । समितिले बुधबारबाटै काम थाल्ने बताइएको छ । यसैबीच सुनसरी प्रशासनले घटना सम्बन्धमा पत्रकार सम्मेलनको आयोजना गरी उक्त घटनामा बर्जु गाउँपालिको कार्यालय पूर्ण दोषी रहेको बताएको छ । महोत्सव आयोजकका रूपमा रहेको गाउँपालिकाले प्रशासनको निर्देशन अटेर गर्दा दुर्घटना भएको प्रशासनले निस्कर्ष निकालेको छ ।

प्रकाशित मिति: बुधबार, माघ ५, २०७८ १९:२६

प्रतिक्रिया दिनुहोस्