आगलागीमा परी तुलसीपुरमा पाँच जनाको मृत्यु

समाज

Home
समाज
आगलागीमा परी तुलसीपुरमा पाँच जनाको मृत्यु

आगलागीमा परी तुलसीपुरमा पाँच जनाको मृत्यु

दाङ : दाङको तुलसीपुरमा आगलागीमा परी ५ जनाको मृत्यु भएको छ। करिव ६ वर्षका आदिद विन अलि, करिव १३ वर्षीया सजित खातुन, करिव १५ वर्षीय हसन बकस, करिव १६ वर्षीय मसिन बकस र करिव ४२ वर्षीय नजरविन अलीको मृत्यु भएको इलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिए ।
गए राति इरम फुटवेयर जुत्ता चप्पल पसलमा भएको आगलागीमा परेर बेहोस भएका ५ जनालाइ बिहान बाहिर निकालिएको थियो।
राति करिव पौने दुई बजेदेखि लागेको आगो बिहानसम्म पनि नियन्त्रणमा नआएपछि भित्र फसेकालाई उद्धार गर्न कठिन भएको थियो। उनीहरुलाई बिहान बेहोस् अवस्थामा फेला पारी राप्ती प्रादेशिक अस्पताल तुलसीपुरमा लगिएको र सबैको मृत्यु भएको इलाका प्रहरी कार्यालय तुलसीपुरका प्रमुख डिएसपी अर्यालले जानकारी दिए।

तुलसीपुर उपमहागनरपालिकाको दमकल, घोराही उपमहानगरपालिकाको दमकल, जनपथ प्रहरी, सशस्त्र प्रहरी, नेपाल आर्मी, स्थानीयले आगो निभाउन रातभर प्रयास गरेका थिए। विद्युत् सर्ट भएर आगलागी भएको हुनसक्ने प्रहरीको अनुमान छ ।

प्रकाशित मिति: शुक्रबार, माघ २८, २०७८ १२:१८

प्रतिक्रिया दिनुहोस्