बाँके (राप्तीसोनारी) : गणित र विज्ञान विषयको शैक्षिक गुणस्तर बृद्धि गर्ने उद्देश्यले बाँकेको राप्ती सोनारीस्थित सामुदायिक बिद्यालयका बिद्यार्थीको सहभागितामा स्टेम क्लब गठन गरिएको छ ।
कक्षा ८, ९, १०, ११ र १२ का बिद्यार्थीलाई समेटेर उक्त क्लब गठन गरिएको हो । राप्ती सोनारी ६ स्थित सिद्धेश्वर माध्यामिक बिद्यालय सिधनवा गौतम भुसालको अध्यक्षतामा गठित क्लबको उपाध्यक्षमा सन्ध्या ओली, सचिव प्रशान्ती थारु,सहसचिवमा ईन्द्रा पुनमगर र कोषाध्यक्षमा आयुष्मा केसी रहेका छन् ।
यस्तै सदस्यमा सुरेन्द्र थारु, मनिसा थारु, डेनिशा बुढाथोकी, भिमा ओली, स्नेहा थारु, लक्ष्मी बुढामगर, सञ्जिता परियार, दुर्गा देवकोटा, यशोदा थारु, स्नेहा खड्का, समिक्षा हमाल, अमृत पुन मगर र रोचक थारु चयन भएका छन् ।
यसैगरी सल्लाहकारमा शिवशक्ती मावि पेरानीका शिक्षक भुपेन्द्रप्रसाद यादव, भुवर भवानी मावि बिनौनाका युवराज सुवेदी, गणेश मावि ढकेरीका खडानन्द डाँगी, सिद्धेश्वर माध्यामिक बिद्यालय सिधनवाका पारशमणि आचार्य, लक्ष्मी मावि मदुईका कर्ण उपाध्याय, सरस्वती मावि भवानीयापुरका लक्ष्मण पुन मगर र नेरा मावि सर्रीका बलबहादुर बुढाथोकी रहेका छन् ।
सामाजिक विकास डिभिजन कार्यालय नेपालगन्जको आयोजनामा क्लब गठन गरिएको बताइएको छ । कार्यक्रमलाई सहजीकरण बाँके बर्दिया स्टेम संयोजक दीपक उप्रेतीले गरेका थिए । सो क्रममा राप्ती सोनारीका विज्ञान र गणित विषयका शिक्षकहरुको पनि उपस्थिती रहेको थियो ।
