बार एशोसिएशनको नयाँ नेतृत्व चयन गर्न निर्वाचन

समाज

Home
समाज
बार एशोसिएशनको नयाँ नेतृत्व चयन गर्न निर्वाचन

बार एशोसिएशनको नयाँ नेतृत्व चयन गर्न निर्वाचन

नेपालगन्ज : नेपाल बार एशोसिएशनको २६ औँ केन्द्रीय कार्यसमितिको निर्वाचन अन्तरगत शनिबार मतदान चलिरहेको छ । नयाँ कार्य समितिका लागि बृहत लोकतान्त्रिक प्रगतिशील समावेशी तथा पेशागत कानुन व्यवसायी समूह र प्रगतिशील तथा पेशागत कानुन व्यवसायी समूह बीच प्रतिस्पर्धा भइरहेको छ ।

उक्त समूहमध्ये बृहत लोकतान्त्रिक प्रगतिशील समावेशी तथा पेशागत कानुन व्यवसायी समूहको नेतृत्व गोपालकृष्ण घिमिरे र प्रगतिशील तथा पेशागत कानुन व्यवसायी समूहको नेतृत्व वरिष्ठ अधिवक्ता विष्णुमणि अधिकारीले गरेका छन् ।

बारको निर्वाचनका लागि देशभरको ३५ स्थानबाट एकसाथ बिहान ८ बजेदेखी प्रारम्भ भएको निर्वाचन समितिका सदस्य सुरेन्द्र महतोले जानकारी दिए । मतदान अपरान्ह ४ बजेसम्म चल्नेछ । नेपालगन्जस्थित बार एशोसियशनको भवनमा पनि मतदान चलिरहेको छ ।

बारमा अध्यक्षसहित ११ जना पदाधिकारी र सदस्य गरी २५ जनाको कार्यसमिति निर्वाचित हुनेछ । उक्त निर्वाचनमा ९ हजार ७ सय ८ जना अधिवक्ता मतदाता छन् ।