युरोपमा तीन दिन महिनावारी बिदा दिने तयारी गर्दै स्पेन

विश्व

Home
विश्व
युरोपमा तीन दिन महिनावारी बिदा दिने तयारी गर्दै स्पेन

युरोपमा तीन दिन महिनावारी बिदा दिने तयारी गर्दै स्पेन

दूरसञ्‍चार मंगलबार, जेठ १०, २०७९

बीबीसी : महिनावारीको समयमा अत्याधिक पीडा महसुस गर्ने कर्मचारीका लागि स्पेनले अब तीन दिन तलबयुक्त बिदा दिने तयारी गरेको छ । यस्तो लागू गर्ने स्पेन पहिलो पश्चिमी राष्ट्र बन्नेछ ।

प्रजनन स्वास्थ्य र गर्भपतन अधिकार सम्बन्धी जारी विधेयकलाई विस्तार गर्दै यो नीति लागू गर्न लागिएको हो । यसले आगामी मंगलबार नै स्वीकृति पाउने बताइएको छ । यो प्रस्तावमा महिनावारी स्वास्थ्य सम्बन्धी अन्य उपायहरु पनि उल्लेख गरिएको छ ।

जस्तै सुपरमार्केटमा स्यानीटरी प्याडहरुमाथि सबै कर हटाउने, विद्यालयमा अनिवार्य प्याड उपलब्ध गराउने लगायत गर्भपतनको सेवालाई निःशुल्क बनाउनेबारे समेत छलफल भइरहेको छ । त्यस्तै १६ देखि १७ वर्षीया किशोरीहरुलाई अभिभावकको अनुमति बिना पनि गर्भपतन गराउन पाउने कानुन प्रस्ताव गरिएको छ ।

महिनावारी सम्बन्धी कुनैपनि विषयलाई ‘ट्याबू’ का रुपमा रहन नदिने आफूहरुको लक्ष्य रहेको स्पेनकी समानता तथा लैङ्गिक हिंसा सम्बन्धी मन्त्री एन्जेला रोड्रिगेजले बताएकी हुन ।

प्रकाशित मिति: मंगलबार, जेठ १०, २०७९ ०७:५२

प्रतिक्रिया दिनुहोस्