वडाअध्यक्ष खरेलको पहल : सिक्टाले फत्तेपुरको पुरानो नहरमा पानी छाड्यो

समाज

Home
समाज
वडाअध्यक्ष खरेलको पहल : सिक्टाले फत्तेपुरको पुरानो नहरमा पानी छाड्यो

वडाअध्यक्ष खरेलको पहल : सिक्टाले फत्तेपुरको पुरानो नहरमा पानी छाड्यो

बाँके(फत्तेपुर) : सिक्टा सिँचाइ आयोजनाले पुर्वी नहरमार्फत राप्ती सोनारी ६ फत्तेपुरस्थित पुरानो नहरमा पानी छाडेको छ । पक्की बाँध नहुँदा उक्त नहर पटक-पटक बन्द हुदै आएको थियो । राप्ती सोनारी गाउँपालिका वडा नम्बर ६ का वडाअध्यक्ष लवराज खरेलको विशेष पहलमा सिक्टा सिँचाइ आयोजना कार्यालयले पुरानो नहरमा पानी छाडिदिएको हो ।

आयोजनाले अगैयास्थित आफ्नो हेडर्वकसदेखी बैजापुर, बिनौना, फत्तेपुर हुदै नरैनापुर गाउँपालिकासम्म राप्ती नदीको पानी पुर्याउने लक्ष्यका साथ नहर निर्माण कार्य गरिरहेको छ । हाल फत्तेपुरसम्म निर्माण कार्य सम्पन्न गरिसकेको आयोजना कार्यालयले वडाअध्यक्ष खरेलको अनुरोध पश्चात किसानका लागि केहीदिन अघि पानी छाडेको हो ।

उक्त नहरको पानीले वडा नम्बर ६ र ७ किसानले खेती गर्न सक्नेछन् । नियमित रुपमा वर्षा नहुँदा किसानले सहज रुपमा धान रोप्न नसकेका बेला नहरको पानीले राहत दिएको वडाअध्यक्ष खरेल बताउँछन् । ‘सिक्टा सिँचाइ आयोजनासँग मैले यो विषयमा धेरै पटक कुराकानी र छलफल गर्दै आएको थिए, अहिले बल्ल सिक्टाले हाम्रो यहाँको पुरानो नहरमा पानी छाडिदियो,’ उनले भने ‘अहिले किसानले भरपर्दो तरिकाले खेती गर्न सक्नु भएको छ ।’

यसअघि फत्तेपुरका स्थानीयले पटक पटक पुरानो नहरको इन्टेकमा कच्ची बाँध बनाएर राप्ती नदीको पानी सञ्चालन गर्न खोजेपनि नियमित रुपमा पानी सञ्चालन हुन सकेको थिएन ।

Fatepur Nahar1657716782.jpg