नगर प्रमुख विष्टले गरे महेन्द्र बहुमुखी क्याम्पसको छात्रबास निरीक्षण

समाज

Home
समाज
नगर प्रमुख विष्टले गरे महेन्द्र बहुमुखी क्याम्पसको छात्रबास निरीक्षण

नगर प्रमुख विष्टले गरे महेन्द्र बहुमुखी क्याम्पसको छात्रबास निरीक्षण

नेपालगन्ज : नेपालगन्ज उपमहानगरपालिकाका प्रमुख प्रशान्त विष्टले महेन्द्र बहुमुखी क्याम्पसमा अलपत्र अवस्थामा रहेका छात्रबास निरीक्षण गरेका छन् । उक्त क्याम्पसका पुर्व स्ववियु उपसभापति समेत रहेका नगर प्रमुख विष्टले बिहीबार स्थलगत रुपमा निरीक्षण गरेका हुन् ।

निरीक्षण गर्दै उनले छात्रबासलाई पूर्णता दिनका लागि पहल अघि बढाएका छन् । विष्टको पहल र समन्वयमा भारतीय राजदुताबासका शाखा अधिकृत चन्द्रप्रकाश नेतृत्वको टोलीले बिहीवार अलपत्र अवस्थामा रहेको छात्रबास र क्याम्पसका जीर्ण भवनको स्थलगत अनुगमन गरेर जानकारी लिएको हो ।

सो क्रममा भारतीय दुताबासका शाखा अधिकृत चन्द्र प्रकाशले दुताबासको सहयोग भएपनि भवन निर्माण कार्य अलपत्र परेकोमा भारत सरकार दुःखी भएको बताए । छात्रबास सँगै क्याम्पसका बर्षौ पुराना भवन निर्माणमा सहयोग गर्न नगर प्रमुख विष्टले भारतीय दुताबासलाई आग्रह गरेका छन् । आफुले उच्च शिक्षा अध्ययन गरेको र राजनीतिको सुरुवात गरेको क्याम्पस भएका कारण क्याम्पसको भौतिक र शैक्षिक सुधारका लागि सक्दो प्रयास गर्ने प्रतिवद्धता ब्यक्त गरे ।

प्रकाशित मिति: बिहीबार, साउन १२, २०७९ १९:२९

प्रतिक्रिया दिनुहोस्