नेपालगन्ज : हिजरी सम्वत १४४४ तथा मोहर्रम पर्वका अवसरमा मुस्लिम समुदायका युवाले भेरी अस्पतालका बिरामीलाई फलफुल तथा पौष्टिक सामाग्री वितरण गरेका छन् । अस्पतालको जनरल वार्ड, जेष्ठ नागरिक वार्ड, इमर्जेन्सी र गाईनो वार्ड गरि १५० जना भन्दा बढी बिरामी लाई फलफुल पानी ग्लुकोज ड्राई फ्रुट फ्रुटी लगायतका सामाग्री वितरण गरिएको आयोजकले जनाएको छ ।
मुस्लिम युवाहरूले ईस्लामले करबला बाट पाएको एकता शान्ति सद्भाव तथा आपसी भाईचाराको सन्देशलाई समाजमा प्रवाह गर्ने उद्देश्यले सो कार्यक्रम गरिएको समुहका युवा हाजी मोहम्मद आसिफ अन्सारीले बताए । पैगम्बरे इस्लामका का नाति हजरत ईमाम हुसैन लाई आजैको दिनमा करबलामा शहिद गरेको सम्झ्नामा ईमाम हुसैनले दिएका सन्देश आजको युवाहरु लाई बुझाउन आवस्यक रहेको समाजसेवी तथा युवा अभियान्ता साहिल अन्सारीको भनाई छ ।
साथै करबला बाट त्याग र बलिदानको सन्देश आजको समाजले बुझ्न एकदम जरुरी रहेको समेत बताएका छन् । अस्पताल विकास समितिका सदस्य कृष्णप्रसाद श्रेष्ठले कामको प्रशंसा गर्दै मुस्लिम समुदायका युवाहरुले मोहरर्मको अवसरमा यस्तो मानविय कामले अस्पतालमा भर्ना भएका बिरामीलाई सहयोग पुग्नुका साथै मानसिक मनोबल समेत बढेको बताए । उनले अगामी दिनमा समेत यस्तो पवित्र कामको निरन्तरता दिन समेत आग्रह गरे ।
सो कार्यक्रममा समाजसेवी तथा अधिकारकर्मी रचना श्रेष्ठ, युवा नेता इरफान अलि अरसद, विद्यार्थी नेता मोहम्मद सोएब अन्सारी, ईमरान जसगढ, अभियान्ता ईबरार खान, युवा नेता मोहम्म्द साजिद खान,अभियान्ता मोहम्मद असरफ सिद्दिकी अन्ना, युवा अभियान्ता समिर अलि बेहना, साबान शाह, नईम अन्सारी लगायतको उपस्थिती रहेको थियो ।
