'भूकम्पले बाँकेमा कतै क्षति गरेको छैन' : बाँके प्रहरी

समाज

Home
समाज
'भूकम्पले बाँकेमा कतै क्षति गरेको छैन' : बाँके प्रहरी

'भूकम्पले बाँकेमा कतै क्षति गरेको छैन' : बाँके प्रहरी

नेपालगन्ज : बाँकेलाई केन्द्रबिन्दु बनाएर गएको भूकम्पले कतै क्षति नगरेको बाँके प्रहरीले आशंका गरेको छ । जिल्ला प्रहरी कार्यालय बाँकेका प्रवक्ता एवम् डिएसपी रामप्रसाद घर्तीमगरले भुकम्पले क्षति गरेको विवरण शनिबार बिहानसम्म कतैबाट पनि प्राप्त नभएको जानकारी दिए । भूकम्पले कहाँ, के-कति क्षति गर्यो भनेर सर्बसाधारणमा चिन्ता बढिरहेका बेला बाँके प्रहरीले यस्तो प्रतिक्रिया दिएको हो ।

‘भुकम्पको धक्काले कतैपनि मानविय र भौतिक क्षति नगरेको हाम्रो आशंका छ, अहिलेसम्म क्षति गरेको भनि हामीलाई विवरण पनि आएको छैन,’ उनले भने ‘अहिलेसम्मको अवस्था सामान्य नै छ ।’ भूकम्पको धक्का मध्य रातमा आएकाले अधिकांसले थाहा नपाएको प्रतिक्रिया दिएका छन् । सामाजिक सञ्जालभरी भूकम्प आएको विषयमा अधिकांसले पत्तै नपाएको बताएका हुन् ।

तर, राष्ट्रिय भूकम्प मापन तथा अनुसन्धान केन्द्रका अनुसार राती १ बजेर २८ मिनेट जाँदा बाँके जिल्लाको हात्तीसार आसपास केन्द्रबिन्दु भएर ४.८ रेक्टर स्केलको भूकम्प गएको थियो । यो गोरखा भूकम्पको परकम्प नभएको सो केन्द्रले जनाएको छ । उक्त भूकम्पको धक्का पश्चिम नेपालका बाँके, बर्दिया र भारतका विभिन्न भागमा महसुस गरिएको थियो ।

यो पनि पढ्नुस् :

बाँके केन्द्रबिन्दु भएर ४.८ रेक्टर स्केलको भूकम्प

प्रकाशित मिति: शनिबार, भदौ ४, २०७९ १०:२९

प्रतिक्रिया दिनुहोस्