बेलायतकी महारानी एलिजाबेथ द्वितीयको निधन

विश्व

Home
विश्व
बेलायतकी महारानी एलिजाबेथ द्वितीयको निधन

बेलायतकी महारानी एलिजाबेथ द्वितीयको निधन

बेलायती महारानी एलिजाबेथ द्वितीयाको ९६ वर्षको उमेरमा निधन भएको छ । महारानी एलिजाबेथको निधन भएको घोषणापछि दरबारमा रहेको राष्ट्रिय झण्डा आधा झुकाइएको छ । महारानी एलिजाबेथ द्वितीयाको स्कटल्यान्डको बाल्मोरल दरबारमा निधन भएको बकिङ्गम प्यालेसले जनाएको छ ।

सन् १९२६ अप्रिल २१ मा लन्डनको माइफेरमा जन्मिएकी एलिजाबेथ बेलायतमा सबैभन्दा लामो समय शासन गर्ने राष्ट्र अध्यक्ष थिइन । उनले ७० वर्षसम्म शासन गरेकी थिइन । उनको निधनपछि जेठा छोरा चाल्र्स राजा चाल्र्स तृतीय बन्दै छन । चाल्र्स तृतीयले आमाको निधन एउटा ठूलो दुःखको क्षण भएको बताए ।

साथै विश्वभरबाट शोक व्यक्त गरिएको छ । यसअघि हिजो उनको स्वास्थ्यमा समस्या देखिएपछि बाल्मोरलमा डाक्टरको निगरानीमा राखिएको थियो ।

नवनियुक्त प्रधानमन्त्री लिज ट्रसले ट्वीट गर्दै बकिङ्गम प्यालेसबाट महारानीका बारेमा आएको खबरले सम्पूर्ण देश नै चिन्तित भएको बताए । महारानी एलिजाबेथ द्वितीयाको शासनकालमा बेलायतमा विन्स्टन चर्चिलदेखि लिज ट्रससम्म १५ जना प्रधानमन्त्री भएका छन् ।

प्रकाशित मिति: शुक्रबार, भदौ २४, २०७९ ०८:४५

प्रतिक्रिया दिनुहोस्