नेपालगन्ज : बाँकेको राप्ती सोनारी गाउँपालिका वडा नम्बर १ कुसुमस्थित गाभर गाउँमा देखा पर्दै आएका पाटेबाघको जोडीले आफ्नो दिशा बदलेको छ । करिव एक हप्तासम्म गाभर गाउँ आसपासको जंगलमा बसेको बाघको जोडीले आइतबार बेलुकी दिशा परिवर्तन गरेको हो ।
एक हप्ताअघि गाभरस्थित भेरी राप्ती स्टाफ होटलमा काम गर्ने एक भारतीय नागरिकलाई राजमार्गबाटै झम्टेर उत्तरतर्फ करिव ५ सयमिटर निकुञ्ज भित्र लगेर खाएको थियो । बाघले आधा शरिर खाएको अवस्थामा उनको शव गत सोमबार बिहान भेटिएको थियो । बाघले सोही गाउँमा बाख्रा र गाईलाई पनि मारेको थियो ।
पुर्वबाट पश्चिमतिर गुडिरहेको मोटरसाईकललाई झम्टेपनि बाघको पन्जाले भेटाउन नसक्दा मोटरसाईकल चालक जोगिन सफल भएका थिए । त्यसयता मान्छे खाएको बाघको जोडी राजमार्ग नाघेर राजमार्ग भन्दा दक्षिणमा रहेको गाउँ नजिक जंगलमा बस्दै आएको थियो ।
सोही बाघले मंगलबार दिउँसै पुर्वपश्चिम राजमार्गमा गुडिरहेको एउटा मोटरसाईकललाई पनि झम्टेको थियो । पुर्वबाट पश्चिमतिर गुडिरहेको मोटरसाईकललाई झम्टेपनि बाघको पन्जाले भेटाउन नसक्दा मोटरसाईकल चालक जोगिन सफल भएका थिए । त्यसयता मान्छे खाएको बाघको जोडी राजमार्ग नाघेर राजमार्ग भन्दा दक्षिणमा रहेको गाउँ नजिक जंगलमा बस्दै आएको थियो ।
गाभरकी स्थानीय चन्दा लामाले बाघको जोडी आइतबार बेलुकीतिर दक्षिणबाट उत्तरतिर लागेको जानकारी दिईन् । ‘बाघले आज आफ्नो दिशा परिवर्तन गरेको छ, बाघ राजमार्गदेखी उत्तरतिरको जंगलतिर सरेका छन्,’ उनले भनिन् । पाटेबाघको जोडी गाभर र सौरी गाउँको बीचमा पर्ने स्यानीखोली भन्ने ठाउँ हुदै उत्तर निकुञ्जतिर लागेको चन्दाले सुनाईन् ।
भिडियो हेर्नुस् :
बाघ राजमार्ग नाघेर उत्तरतिर जादै गरेको अवस्थामा मोटरसाईकलमा सवार ब्यक्तिहरुले देखेको र उनीहरुले गाभरमा पुगेर आफुहरुलाई जानकारी गराएको बताईन् । मोटरसाईकलमा सवारी ब्यक्तिले बाघको फोटो र भिडियो पनि खिचेका छन् । ‘बाघको जोडी निकुञ्जभित्र प्रवेश गरेका छन्, अब बाघबाट गाभर र सौरी दुबै गाउँ खतरामा छन्,’ चन्दाले भनिन् ।
गाभर क्षेत्रमा बस्दा बाघको जोडी गाउँ नजिकै आएर कराउने र बेला बेलामा गाउँमै झुल्किँदा स्थानीय बासिन्दा निकै त्रसित भएका थिए । स्थानीयहरु घर भन्दा बाहिर निस्कनै सकेका थिएनन् । निकुञ्जका प्रमुख संरक्षण अधिकृत श्यामकुमार शाहका अनुसार बाघलाई नियन्त्रण गर्नका लागि निकुञ्जले दुई वटा हात्ती र नेपाली सेनालाई परिचालन गर्दै आएको थियो ।
बाघलाई कैद गर्न विभिन्न ठाउँमा सिसि क्यामेरा पनि जडान गरिएको छ । बाघलाई खुवाएर नियन्त्रण गर्न निकुञ्जले गाउँ नजिकैको जंगलमा एउटा राँगालाई बाँधेर राखेको थियो । तर, बाघको जोडीले राँगालाई सिकार नै गरेनन् ।
यस्तै बाघलाई कैद गर्न विभिन्न ठाउँमा सिसि क्यामेरा पनि जडान गरिएको छ । बाघलाई खुवाएर नियन्त्रण गर्न निकुञ्जले गाउँ नजिकैको जंगलमा एउटा राँगालाई बाँधेर राखेको थियो । तर, बाघको जोडीले राँगालाई सिकार नै गरेनन् ।
निकुञ्जले करिव पाँच दिनजति राँगालाई जंगलमा बाँधेर राखेको थियो । प्रमुख संरक्षण अधिकृत शाहले भने, ‘यिनीहरु भर्खरै माउबाट छुट्टिएर स्वतन्त्र रूपमा हिडिरहेका हुन सक्छन्, वन्यजन्तुको शिकार गर्न बानी नपरेको हुँदा मान्छे र पशु चौपायालाई आक्रमण गरेको हाम्रो आशंका छ ।’
बाघले आक्रमण गर्न सक्ने खतरा रहेकाले निकुञ्ज प्रशासनले राजमार्गमा पैदल र स्कुटर चलाउन रोक लगाएको छ । यस्तै मोटरसाईकल, अटोरिक्सा लगायत साना सवारी साधनलाई समुहमा मात्र गुड्न दिइएको छ ।
