सशस्त्र प्रहरीमाथि तस्कर समूहको आक्रमण

समाज

Home
समाज
सशस्त्र प्रहरीमाथि तस्कर समूहको आक्रमण

सशस्त्र प्रहरीमाथि तस्कर समूहको आक्रमण

तस्करको आक्रमणबाट घाइते भएका सशस्त्र प्रहरी । तस्बिर : दूरसञ्चार

कञ्चनपुर : सिमा सुरक्षार्थ खटिएका सशस्त्र प्रहरीमाथी भारतीय तस्कर समुहले आक्रमण गरेको छ । आक्रमणबाट ३ जना सशस्त्र प्रहरी घाइते भएका छन । नेपाल–भारत सीमा क्षेत्रमा गस्तीमा खटिएका सशस्त्र प्रहरीको टोलीमाथि भारतीय तस्करको समूहले आक्रमण गरेका थिए ।

सोमबार बेलुकी करिव ८ बजेतिर दोधारा चाँदनी नगरपालिका–८ को कञ्जभोज नजिकै खटिएका बेला आक्रमण भएको हो । सशस्त्र प्रहरी बल नेपाल नम्बर ३५ नम्बर गण शैलेश्वरीले आक्रमणबाट सशस्त्र प्रहरीको बीओपी कञ्जभोजमा कार्यरत तीन जना जवान समान्य घाइते भएको जानकारी दिएको छ ।

घाइतेहरुको दोधाराचाँदनीस्थित स्थानीय स्वास्थ्य चौकीमा उपचार भइरहेको छ । सशस्त्र प्रहरी बल नेपाल नम्बर ३५ गण शैलेश्वरीका प्रमुख सशस्त्र प्रहरी उपरीक्षक एसपी वीरेन्द्र ऐरले नेपालतर्फ विभिन्न समान तस्करी भइरहेको अवस्थामा सशस्त्र प्रहरीको गस्ती टोलीसँग भेट हुँदा एक्कासी उनीहरुले ढुंगामुढा गरेको जानकारी दिए ।

तस्करको उक्त समूहलाई नियन्त्रणमा लिने प्रयास गरेपनि ३०/४० मिटर नजिकै भारतीय भुमि भएकाले उनीहरु भाग्न सफल भएको बताए । तस्करको पहिचान भइसकेको र मंगलबार उनीहरुलाई नियन्त्रणमा लिएर कानून बमोजिम कारवाही गर्ने आश्वासन भारतीय पक्षले दिएको बताइएको छ ।

प्रकाशित मिति: मंगलबार, असोज ५, २०७८ १०:४६

प्रतिक्रिया दिनुहोस्