सत्तीघाटमा पुल भत्किएपछि हुलाकी सडक अवरुद्ध

समाज

Home
समाज
सत्तीघाटमा पुल भत्किएपछि हुलाकी सडक अवरुद्ध

सत्तीघाटमा पुल भत्किएपछि हुलाकी सडक अवरुद्ध

बर्दिया : पूर्व-पश्चिम जोड्ने हुलाकी सडकखण्डअन्तर्गत पर्ने बर्दिया राजापुर कैलाली सत्तीघाटमा पुल भत्किएपछि हुलाकी सडकखण्ड अवरुद्ध भएको छ। केही दिनदेखि परेको अविरल वर्षाका कारण कर्णाली नदीमा पानीको सतह वृद्धि भएपछि सडक अवरुद्ध भएको हो ।

सडक अवरुद्ध हुँदा यात्रुलाई आवतजावत गर्न कठिनाइ भएको छ भने यात्रु चिसापानी भएर यात्रा गर्न बाध्य भएका छन् । बाटो अवरुद्ध हुँदा तीन दिनदेखि ठूला तथा साना सवारीसाधान आवातजावत पूर्णरूपमा बन्द छ। बवई नदीको जब्दीघाटको पुल बाढीले बगाउँदा गुलरिया सदरमुकाम र बारबर्दिया नगरपालिकाका स्थानीयवासीको आउजाउ बन्द भएको छ ।

ग्याङ नदीमाथि रहेको झोलुङ्गे पुलसमेत बाढीले बगाएको छ । उक्त पुल बगाउँदा बारबर्दिया नगरपालिका र गुलरिया सदरमुकाम जाउजाउमा समस्या भएको स्थानीय विक्रम चौधरीले बताए । उक्त पुल पप्पु कन्स्ट्रशनले निर्माण गरेको हो । यसअघि सो पुल हस्तान्तरण नहुँदै २०७१ सालमा बबईको बाढीले भत्काएको थियो । (नोट : यो समाचार राससबाट साभार गरिएको हो । जब्दीघाट हुनुपर्नेमा अन्यथा भएकोमा क्षमाप्रार्थी छौ ।) -प्रधान सम्पादक

प्रकाशित मिति: शुक्रबार, असोज २८, २०७९ १४:१५

प्रतिक्रिया दिनुहोस्