नेपालगन्ज : सामाजिक सेवा दिवसका अवसरमा बागेश्वरी असल शासन क्लब (बास) स्वयम् सेवक समुहले बिरामीलाई फलफुल बितरण गरेको छ । ‘जसले जे सक्छौं त्यही सहयोग गरौं’ अभियान अन्र्तगत विभिन्न व्यक्तिबाट गरिएको सहयोग संकलनमार्फत नेपालगन्जस्थित भेरी अस्पतालमा रहेका बिरामी र अस्पतालको इमरजेन्सी वार्डमा ड्युटीमा रहेका स्वाथ्यकर्मीलाई फलफुल वितरण गरिएकोे हो ।
अस्पतालको इमरजेन्सी वार्डमा रहेका बिरामीलाई फलफुल दिएर भेरी अस्पतालका मेडिकल सुपरिटेन्डेन्ट डा. प्रकाश बहादुर थापा, बासका केन्द्रीय महासचिव तथा स्वयम् सेवक विभाग प्रमुख शिवकुमार बर्मा र निमित्त कार्यकारी निर्देशक हेमराज भट्टले कार्यक्रमको उद्घाटन गरेका थिए । सो क्रममा अस्पतालको इमरजेन्सी वार्ड र जेनरल वार्डमा गरी ८० बढी बिरामीलाई फलफुल वितरण गरिएको थियो ।
बास स्वयम् सेवक संयोजक तपेन्द्र बहादुर मलातीले सञ्चालन गरेको कार्यक्रममा भेरी अस्पतालका मेडिकल सुपरिटेन्डेन्ट डा. प्रकाश बहादुर थापा, बासका निर्वतमान अध्यक्ष मन भण्डारी, केन्द्रीय महासचिव तथा स्वयम् सेवक विभाग प्रमुख शिब कुमार बर्मा, निमित्त कार्यकारी निर्देशक हेमराज भट्ट, कार्यक्रम संयोजक रबिन्द्र बोहरा, जनसम्पर्क अधिकृत मुना बिष्ट, सिएफए लोकबहादुर घर्ती र स्वयम् सेवकहरु रश्मि दर्जी, बिष्णु न्यौपाने, श्यामकली चौधरी, निशा खड्का, सुबोधमान उदास, शतिस चन्द्र मिश्र, आरती चौधरी, रेबिका नेपाली, समृद्ध राना, सोनी शर्मा, सरिन श्रेष्ठ, अनुज थापा, सोनी बढही, प्रदिप बोहरा लगायतले बिरामीलाई फलफुल वितरण गरेका थिए ।
फलफुल वितरण कार्यक्रमका लागि बासका पूर्बलेखा अधिकृत प्रतिक्षा गिरी र स्वयम् सेवकले स्वस्फूर्त रकम संकलन गरेका हुन् । दिवसकै अवसरमा बासका स्वयम् सेवकहरुले नेपालगन्जको गणेशमान चौकमा सञ्चालित कपडा बैंकमा कपडा सहयोग गरेका छन् । कपडा बैंकमै पुगेर स्वयम् सेवकहरुले झडै ३० जोड बढी कपडा सहयोग गरेको बासका सूचना अधिकारी समेत रहेका भट्टले जानकारी दिएका छन् ।
