नेपालगन्ज : प्रतिनिधि सभा र प्रदेश सभा निर्वाचनको मत गणना चलिरहँदा बाजुरा, स्याङ्जा र दोलखामा सत्ता गठबन्धनका उम्मेदवारले अग्रता लिएका छन् । पछिल्लो मत परिणाम अनुसार बाजुरामा पाण्डे २२ सय २४ मतले आफ्नो प्रतिस्पर्धी भन्दा अगाडि छन् ।
सुरूदेखि नै अगाडि रहेका पाण्डेले २० हजार ६३६ मतगणना हुँदा ११ हजार ७६ मत पाएका छन् भने उनलाई पछ्याइरहेका नेकपा एमालेका उमेदवार कर्णबहादुर थापाले ३९९४ मत प्राप्त गरेका छन् ।
त्यसैगरी प्रदेश सभा सदस्यका लागि (क) मा नेकपा एमालेका बलदेब रेग्मीले अग्रता लिएका छन् । उनले ७ हजार ४५ मत पाउँदा एकीकृत समाजवादीका नरेशकुमार शाहीको ६ हजार ८९३ मत पाएका छन् ।
माओवादी केन्द्रका कर्णबहादुर विकले ८६९ मत प्राप्त गरेका छन् । त्यसैगरी प्रदेश (ख) मा नेपाली कांग्रेसका पदमबहादुर शाहीले अग्रता लिएका छन् । उनले ७ हजार ८४३ मत पाउँदा एमालेका लालबहादुर थापाले ७ हजार ३०० मत पाएका छन् ।
स्याङ्जा निर्वाचन क्षेत्र नम्बर २ मा मतगणना भइरहेको छ । पछिल्लो नतिजा अनुसार नेपाली कांग्रेसका धनराज गुरूङले अग्रता कायमै राखेका हुन् । उनले नेकपा (एमाले) की पद्मा कुमारी अर्याललाई २२ सय १३ मतले पछाडी पारेकी छन् ।
काँग्रेसका गुरुङले २२ हजार ४८० मत पाएका छन् भने एमालेकी अर्यालको २० हजार २६७ मत प्राप्त गरेकी छन् । यस्तै स्वतन्त्र पार्टीका उम्मेदवार टिकराज गुरूङले ७ हजार २३८ मत पाएका छन् ।
स्याङ्जा २ को (ख) मा पनि नेपाली कांग्रेसका महेश भट्टराईले अग्रता लिएका छन् । सुरुबाट नै अग्रता लिएका एमालेका बुद्धिमान श्रेष्ठलाई १ सय ४२ मतले पछि पार्दै भट्टराईले अग्रता लिएका हुन् ।
भट्टराईले १० हजार २६१ मत पाएका छन् भने श्रेष्ठले १० हजार ११९ मत पाएका छन् । अब गणना गर्न गल्याङ ११ र चापाकोटका १० वटा वडा रहेको छ । स्याङ्जा २ मा १ लाख १६ हजार सात सय ७८ मतदाता मध्ये ७० हजार एक सय ९१ मत खसेको थियो ।
अहिलेसम्म प्रतिनिधि सभातर्फ ३९ हजार ६ सय १२ मत गणना भइसकेको छ । प्रदेश (क) को भने गणना सम्पन्न भइसकेको छ । जसमा नेपाली कांग्रेसका भोजराज अर्याल निर्वाचित भएका छन् ।
यसैगरी दोलखामा सत्ता गठबन्धनले प्रतिनिधि सभा र प्रदेश सभाका सबै क्षेत्रमा अग्रता बनाएको छ । प्रतिनिधि सभामा नेकपा माओवादी केन्द्रका उम्मेदवार गंगा कार्कीले अग्रता कायमै राख्दा प्रदेशमा पनि कांग्रेसकै उम्मेदवारले अग्रता लिएका छन् ।
निर्वाचन आयोगका अनुसार गणना भएको १७ हजार २७२ मत मध्ये कार्कीले ७ हजार ९९५ मत ल्याएका छन् । यहाँ नेकपा एमालेका उम्मेदवार बालकृष्ण शिवाकोटीले ७ सय २९५ मत ल्याएर अग्रता छोट्याइरहेका छन् ।
राष्ट्रिय स्वतन्त्र पार्टीका जगदिश खरेलले ६६२ मत पाएका छन् । यस्तै प्रदेश सभातर्फ दुबैमा कांग्रेस उम्मेदवारको अग्रता रहेको छ । प्रदेश सभा (क) मा नेपाली कांग्रेसका उम्मेदवार कुन्दनराज काफ्लेले ७६ सय ६५ मत पाएका छन् भने नेकपा एमालेका नरबहादुर श्रेष्ठले ६६ सय ६९ मत ल्याएका छन् ।
अहिलेसम्म १६ हजार २८६ गणना हुँदा राप्रपाका रामबहादुर तामाङले ७५० मत पाएका छन् । यस्तै प्रदेश (ख)मा पनि कांग्रेसले अग्रता लिएको छ । यहाँ कांग्रेसका बर्मा लामाले ८३०५ मत ल्याएका छन् भने एमालेका उम्मेदवार भरतबहादुर केसीले ८२५५ मत ल्याएको निर्वाचन आयोगले जनाएको छ । १८२०५ गणनामा राप्रपाका राजनबहादुर सिवाकोटीले ३४७ मत प्राप्त गरेका छन् ।
