लुम्बिनी प्रदेशका मुख्यमन्त्री र अर्थमन्त्रीसँग नरैनापुर गाउँपालिका अध्यक्ष शाहको भेट

राजनीति

Home
राजनीति
लुम्बिनी प्रदेशका मुख्यमन्त्री र अर्थमन्त्रीसँग नरैनापुर गाउँपालिका अध्यक्ष शाहको भेट

लुम्बिनी प्रदेशका मुख्यमन्त्री र अर्थमन्त्रीसँग नरैनापुर गाउँपालिका अध्यक्ष शाहको भेट

भालुवाङ : नरैनापुर गाउँपालिका अध्यक्ष इश्तियाक अहमद शाहले लुम्बिनी प्रदेशका मुख्यमन्त्री कुलप्रसाद केसी र अर्थ, सहकारी मन्त्री कृष्णध्वज खड्कासँग भेट गरेका छन् । मुख्यमन्त्रीको कार्यालय भालुवाङमा भएको भेटमा नरैनापुर गाउँपालिकाको विकास, सुशासन, सेवा प्रवाह र सन्तानेश्वर मन्दिरको विकास लगायत विषयमा छलफल भएको हो ।

भेटमा क्रममा मुख्यमन्त्री केसीले नरैनापुर गाउँपालिकाको विकासका लागि प्रदेश सरकारले केही महत्वपूर्ण योजना सुरु गर्ने प्रतिवद्धता ब्यक्त गरेका थिए । यस्तै अर्थमन्त्री खड्काल नरैनापुर सबैभन्दा पछाडी परेको गाउँपालिका भएकाले त्यहाँको शिक्षा, स्वास्थ्य र यातायातका लागि सरकारले विशेष व्याकेज ल्याउन जरुरी रहेको बताए ।

सो क्रममा गाउँपालिका अध्यक्ष शाहले हुलाकी सडकदेखि रोसनपूर्वा सम्मको रोड र मटेहिया देखि सोनपूर्वा सम्मको रोड निर्माणका लागि बजेट माग गरेका थिए । अर्थमन्त्री खड्काले तत्काल दुई रोड मध्ये एक रोड निमार्णका लागि बजेट दिने अश्वासन दिएका थिए । मन्त्री खड्काले मन्त्रालयका सचिव नेत्र सुवेदीलाई नरैनापुरको रोड निमार्णका लागि माग भएको रकम व्यवस्थापन गर्न निर्देशन दिएका थिए ।

त्यसक्रममा सचिव सुवेदीले मटेहियादेखि सोनपूर्वा सम्मको रोड निर्माणका लागि चाहिने बजेट एक साता भित्रै पठाउने प्रतिवद्धता जनाए । भेटका क्रममा गाउँपालिका अध्यक्ष शाहसँगै प्रदेश सांसद कृष्णा केसी 'नमुना', नरैनापुर गाउँपालिकाका लेखापाल प्रकाश अधिकारी लगायतको सहभागिता रहेको थियो ।

प्रकाशित मिति: बुधबार, मंसिर २१, २०७९ २१:३०

प्रतिक्रिया दिनुहोस्