नेपालगन्ज : प्रेस सेन्टर बाँकेले ‘क्रान्तिकारी पत्रकारिता पुरस्कार डक्टधिताल र बिरमी–चन्द्र ग्रामीण पत्रकारिता पुरस्कार आलम खान तथा कल्पना शाही सम्मानित भएका छन् । प्रेस सेन्टर बाँकेको साधारण सभा तथा विशेष अधिवेशनमा आइतबार उनीहरु सम्मानित भएका हुन् ।
सोही कार्यक्रममा पत्रकारिता क्षेत्रमा रहेर योगदान दिने पत्रकार सिराज खान, सुशील लामिछाने, शिव सुनार, प्रदीप वाग्ले, गजेन्द्र गुरुङ र हेमन्त चौधरीलाई पनि सम्मान गरियो । उक्त कार्यक्रमलाई सम्बोधन गर्दै कार्यक्रमका प्रमुख अतिथी एवम् नेकपा माओवादी केन्द्र)का स्थायी समिति सदस्य तथा पूर्वमन्त्री महेश्वरजंग गहतराजले गणतन्त्रवादी शक्ति एकजुट हुनुपर्ने बताए ।
गणतन्त्र र संविधानमाथि फेरि पनि प्रहार हुन थालेकाले एकजुट हुनुको विकल्प नभएको उनको भनाई छ । देशलाई अस्थिरतातर्फ धकेल्ने षड्यन्त्र हुन थालेकोमा सबै सचेत हुनुपर्ने बताए ।
कार्यक्रमलाई लुम्बिनी प्रदेशका मन्त्री कृष्णा केसी, प्रेस सेन्टर, नेपालका केन्द्रीय अध्यक्ष विष्णुप्रसाद सापकोटा, नेपालगन्ज उपमहानगरपालिकाका मेयर प्रशान्त विष्ट, माओवादी केन्द्रका केन्द्रीय सदस्यहरु आईपी खरेल, पार्वती पुन र नरेन्द्र न्यौपाने, खजुरा गाउँपालिका अध्यक्ष डम्बर बिक, प्रेस सेन्टरका केन्द्रीय उपाध्यक्ष निर्मल ज्ञवाली, प्रेस सेन्टर लुम्बिनी प्रदेश अध्यक्ष मानसिंह बिक, नेपाल पत्रकार महासंघ लुम्बिनी प्रदेशका उपाध्यक्ष शुक्रऋषि चौलागाईं, नेपाल पत्रकार महासंघ बाँकेका सचिव कमल डाँगी, नेपाल प्रेस युनियन बाँकेका अध्यक्ष अर्जुन ओली, प्रेस चौतारी बाँकेका अध्यक्ष दुर्गा रोकाय, समाजवादी प्रेस संगठनका अध्यक्ष लोकनाथ शर्मा लगायतले शुभकामना व्यक्त गर्नुभयो ।
यसैबीच प्रेस सेन्टर बाँकेको अध्यक्षमा राजेश आचार्य निर्वाचित भएका छन् । विशेष अधिवेशनले आचार्यको अध्यक्षतामा नयाँ कार्यसमिति पदाधिकारी निर्विरोध निर्वाचित गरेको हो ।
