महोत्सव आयोजक समितिको आरोपको पाठकले गरिन् खण्डन

समाज

Home
समाज
महोत्सव आयोजक समितिको आरोपको पाठकले गरिन् खण्डन

महोत्सव आयोजक समितिको आरोपको पाठकले गरिन् खण्डन

नेपालगन्ज : नेपालगन्ज महोत्सवमा भएको घटनामा आयोजक पक्षले नाम मुछेपछि संगिता पाठक सन्ध्याले त्यसको खण्डन गरेकी छन् । लुम्बिनी प्रदेश स्तरीय महोत्सव अन्तरगत नृत्य प्रतियोगिताको परिणाम घोषणा गर्ने क्रममा दुई दिन अघि विवाद उत्पन्न भएको थियो ।

अभिभावक र आयोजक बीच भएको विवादलाई आधार बनाएर पाठकमाथि लगाइएको आरोपको उनले आइतबार पत्रकार सम्मेलन गरेर खण्डन गरेकी हुन् । आयोजकले बदनियत राखेर आफ्नो चरित्र हत्या गरेको उनले बताइन् ।

‘आयोजकका केही पदाधिकारीको एकतर्फी निणर्यका कारण उत्पन्न समस्याको जिम्मेवार मलाई बनाएर आफु पन्छिन खोजेको प्रति खेद समेत प्रकट गर्दछु, उत्पन्न समस्याको समाधानका लागि छलफलको बाटो हुदाँ हुदैँ उपस्थित भिडलाई प्रतियोगिताको निर्णय रातारात सुनाएर झन् उत्तेजित बनाएर एकतर्फी निणर्यको ढाकछोप गर्न प्रयास मात्र गरिएको छ,’ विज्ञप्तीमा भनिएको छ ‘आयोजक टिमलाई पहिला छलफल गरेर भिडलाई शान्त गरौं र मात्र निणर्य सार्वजनिक गरौं किन भने प्रतिस्पर्धीले बाक्सा समय अगावै किन उठाइएको र केही टिकट आयोजक कै गल्तीका कारणले फ्यालिएको लगायतका प्रश्न गर्दै होहल्ला थालेपछि एउटा सदस्यको नाताले म सम्पूर्ण टिमलाई उक्त विषयमा छिटो सम्बोधन गर्न लागि परेको थिए, समय भन्दा केहीबेर अगाडि नै बाक्सा किन उठाईएको भन्ने विषयमा आयोजक तर्फका नन्दु बुढाले समेत प्रश्न गरेका थिए ।’

तर निणार्यक तर्फबाट जवाफ मनोमानी ढंगको आएको उनले जिकिर गरेकी छन् । उनले थप भनिन्, ‘घटना घटिसकेपछि म सहितका केही सदस्यहरुलाई परिसरमा एकलै पारेर केही जिम्मेवारी लिएका व्यक्ति परिसर छाडेर भागेका थिए ।’

आयोजकले अटेर गर्दै एकपक्षीय कार्य गरेको हुदाँ उत्पन्न समस्यालाई आधार बनाएर उनी माथि घटनाको जिम्मेवारी थोपारेर आयोजक यसबाट पन्छिन खोजेको छर्लङ्ग देखिएको पाठकले बताइन् । घटना स्थलमा पत्रकारको माग भएपछि लगत्तै त्यहाँ पुगेका पत्रकारले रिर्पोटिङ्ग क्रममा समेत अवरोध गरिएको बताइएको छ ।

प्रकाशित मिति: आइतबार, माघ २९, २०७९ २१:१७

प्रतिक्रिया दिनुहोस्