बाँके(अगैया) : राप्ती सोनारी गाउँपालिकाले आफ्नो छैठौं स्थापना दिवस मनाएको छ । नेपालको संबिधान(२०७२ अनुसार संघिय सरकारले २०७३ साल फागुन २८ गतेका दिन देशभर ७ सय ५३ वटा स्थानीय सरकार स्थापना गरेको थियो ।
राप्ती सोनारी गाउँपालिका अध्यक्ष तप्तबहादुर पौडेलको सभापतित्वमा आइतबार आयोजित शुभकामना आदान प्रदान कार्यक्रममा उपाध्यक्ष मनिषासिंह थारुले स्वागत मन्तब्य व्यक्त गरेकी थिइन् ।
उक्त कार्यक्रममा गाउँपालिकाका संस्थापक उपाध्यक्ष धनीकुमारी खत्री, बाँके निकुञ्ज अर्जुन बाण गणका गणपति अशोक खड्का, सशस्त्र प्रहरी बलका उपरिक्षक अशोक लम्साल, राप्ती सोनारी गाउँपालिका वडा नम्बर ७ का वडाअध्यक्ष रामलखन थारु, नेपाली काँग्रेस राप्ती सोनारीका सभापति भिमबहादुर राना, नेकपा एमाले राप्ती सोनारी उपाध्यक्ष मदन कुमार ओली, नेपाल प्रेस युनियन बाँकेका अध्यक्ष अर्जुन ओली, कारितास नेपालका जनक शर्मा, नकुल के.सी. लगायतले शुभकामना व्यक्त गरेका थिए ।
मन्तव्यका क्रममा बक्ताहरुले राप्ती सोनारी गाउँपालिकाले जनतालाई अझै सहज रूपमा सेवा प्रबाह गर्न सक्नुपर्ने सुझाव दिए । सिंहदरबारका अधिकारलाई गाउँ-गाउँमा पुर्याउने संबिधानको परिकल्पनालाई साकार बनाउन जनप्रतिनिधी र कर्मचारीले जनताको हितका निम्ति काम गर्नुपर्ने धारणा राखेका थिए ।
शुभकामना आदान प्रदान कार्यक्रम सञ्चालन गाउँपालिकाका प्रमुख प्रशासकीय अधिकृत ओमप्रकाश देवकोटाले गरेका थिए । कार्यक्रममा बिभिन्न वडाका वडाअध्यक्षहरु, कार्यपालिका सदस्य, वडासदस्य, विभिन्न शाखाका प्रमुख, सुरक्षाकर्मी, संचारकर्मी लगायतको सहभागिता रहेको थियोे ।
