नेपालगन्ज : नेपाली कांग्रेस बाँकेले विभिन्न ४१ शाखा गठन गरेको छ । जिल्ला सभापति नारायणप्रसाद गौडेलले पार्टीको विधान बमोजिम विभिन्न शाखाको प्रमुखमा पार्टीका पदाधिकारी र सदस्यलाई मनोनित गरेका हुन् ।
जस अनुसार कानुन शाखा प्रमुखमा उपसभापति कृष्णबहादुर कार्की, अभिलेख, अनुगमन तथा मूल्यांकन शाखा प्रमुखमा सचिव सुधांशु कोइराला, आर्थिक शाखामा यज्ञबहादुर बस्नेत, कार्यक्रम तथा समन्वय शाखा प्रमुखमा सह–सचिव रेणुसिंह ठाकुर, विकास शाखामा सह-सचिव बिनोद थारु र सूचना सञ्चार, प्रचार-प्रसार तथा वन वातावरण शाखा प्रमुखमा प्रवक्ता डिल्लीबहादुर गिरी मनोनित भएका हुन् ।
यस्तै जिल्ला सदस्य रबिन्द्रबहादुर हमाललाई संगठन शाखा प्रमुखको जिम्मेवारी दिइएको छ । मनप्रसाद आचार्यलाई स्थानीय तह समन्वय शाखा प्रमुख, टंकप्रसाद काफ्ले (आशिष) लाई विद्यार्थी शाखा प्रमुख, रामचन्द्र गुप्तालाई प्रशासन शाखा, अन्य पार्टी सम्पर्क शाखा प्रमुखमा लक्ष्मीनारायण शाह, उद्योग तथा व्यापार शाखामा राजेन्द्रकुमार श्रेष्ठ, श्रमिक तथा ट्रेड युनियन शाखामा उमा थापामगर, यातायात व्यवसायी समन्वय शाखामा निमबहादुर चलाउने (निरज) र मुस्लिम शाखा प्रमुखमा निजामुद्दिन अन्सारीलाई मनोनयन गरिएको छ ।
त्यस्तै गीता गोदार क्षेत्रीलाई महिला शाखा, शरदचन्द्र बर्मालाई शिक्षा शाखा, अमृतकुमार आचार्यलाई तरुण शाखा, खेमनाथ अधिकारीलाई स्वास्थ्य शााखा, बुद्धिराम थारुलाई थारु शाखा, सुशिला पन्तलाई वित्तिय तथा सहकारी संस्था समन्वय शाखा र अशोककुमार श्रेष्ठलाई पेशागत तथा बुद्धिजिवी शाखा प्रमुखमा मनोनयन गरिएको प्रवक्ता गिरीले जानकारी दिए ।
त्यसैगरी दलित शाखामा दुर्गाकुमारी बिक, कृषि तथा किसान शाखामा महबुब अली शेष, गैरसरकारी संस्था एवं सामाजिक शाखामा सुशिला कार्की, पर्यटन शाखामा देवबहादुर खाण ठकुरी, भूमिहिन सुकुम्बासी, अव्यवस्थित बसोबास एवं मुक्त कमैया समन्वय शाखामा टिकाराम बस्नेत, आदिवासी जनजाती शाखामा प्रमोद बहादुर श्रेष्ठ, बैदेशिक रोजगार समन्वय शाखामा सिताराम थारु र खेलकुद शाखामा जगदिश बाल्मिकी मनोनित भएका छन् ।
यसैबीच प्राकृतिक स्रोत शाखा प्रमुख तिलाकुमारी कार्की, शुभेच्छुक संस्था समन्वय शाखामा लालतादेवी थारु, भूपु सैनिक शाखामा भिमबहादुर बिक, पूर्व राष्ट्रसेवक समन्वय शाखामा विरबहादुर विष्ट, अन्य भ्रातृ संघ समन्वय शाखामा पुष्पा आचार्य शुक्ला, साहित्य, कला तथा संस्कृति शाखामा टिकादेवी केसी, द्वन्द व्यवस्थापन समन्वय शाखामा कोकिला शर्मा, मधेश तराई समन्वय शाखामा कुन्नीकुमारी कलवार, पिछडिएको क्षेत्र समन्वय शाखामा सुनिता आले, अल्पसंख्यक, सीमान्तकृत तथा अपांगता भएका व्यक्ति र समुदाय समन्वय एवं उत्प्रेरणा शाखा प्रमुखमा देवफलप्रसाद यादव र निर्माण व्यवसायी समन्वय शाखामा जलिल अहमद ढपाली मनोनित भएको प्रवक्ता गिरीले जानकारी दिए ।
