उपनिर्वाचनका लागि राप्रपाले तोक्यो चुनावी कमान्डर

राजनीति

Home
राजनीति
उपनिर्वाचनका लागि राप्रपाले तोक्यो चुनावी कमान्डर

उपनिर्वाचनका लागि राप्रपाले तोक्यो चुनावी कमान्डर

दूरसञ्‍चार मंगलबार, चैत १४, २०७९

काठमाडौं : आगामी उपनिर्वाचनका लागि राष्ट्रिय प्रजातन्त्र पार्टीले चुनावी कमान्डर तोकेको छ । आगामी वैशाख १० गते ३ निर्वाचन क्षेत्र चितवन–२, बारा–२ र तनहुँ–१मा उपनिर्वाचन हुन लागेको हो ।

उपनिर्वाचनका लागि पार्टीको पदाधिकारी बैठकले कमान्डर तोकेको हो । जसअनुासर चितवन–२ को कमान्डर उपाध्यक्ष विक्रम पाण्डे बनेका छन् भने बारा–२ मा अर्का उपाध्यक्ष बुद्धिमान तामाङ र तनहुँ–१ मा कोषाध्यक्ष नीलकण्ठ काफ्लेलाई चुनावी कमान्डर बनाइएको छ ।

यस्तै बैशाख २९ र ३० गते काठमाडौंमा केन्द्रीय कार्यसमिति समिति बैठक निर्णय गरेको प्रवक्ता मोहन श्रेष्ठले जानकारी दिएका छन् । बैठकमा पार्टीको सांगठनिक अवस्था, राजनीतिक कार्यदिशाको समीक्षा र आगामी रणनीतिबारे छलफल गर्न बैशाखभित्र सातवटै प्रदेशमा अगुवा कार्यकर्ता भेला गर्ने पनि निर्णय भएको छ ।

बैठकले राजनीतिक लक्ष्य प्राप्ति र जनजीविकासँग सम्बन्धित विषयमा आन्दोलन गर्ने निर्णय पनि गरेको छ । आन्दोलनका विषय र स्वरुप निर्धारण गर्न महामन्त्री डा. धवल शमशेर राणाको संयोजकत्वमा महामन्त्री शरदराज पाठक र सहमहामन्त्री झनक प्याकुरेल रहेको समिति गठन गरेको छ ।

प्रकाशित मिति: मंगलबार, चैत १४, २०७९ ०८:५१

प्रतिक्रिया दिनुहोस्