लुम्बिनीमा एमाले नेतृत्वको सरकार ढल्यो, मुख्यमन्त्रीले पाएनन् बिश्वासको मत

राजनीति

Home
राजनीति
लुम्बिनीमा एमाले नेतृत्वको सरकार ढल्यो, मुख्यमन्त्रीले पाएनन् बिश्वासको मत

लुम्बिनीमा एमाले नेतृत्वको सरकार ढल्यो, मुख्यमन्त्रीले पाएनन् बिश्वासको मत

दाङ : लुम्बिनी प्रदेशमा एमाले नेतृत्वको सरकार ढलेको छ । मुख्यमन्त्री लीला गिरीले बिश्वासको मत नपाएपछि सरकार ढलेको हो । प्रदेश सभाको सोमबार बसेको बैठकमा बिश्वासको मत मागेका मुख्यमन्त्री गिरीले आफ्नो पक्षमा ३३ मत मात्रै पाएका थिए । उनको बिपक्षमा ५३ मत परेको छ ।

उक्त प्रदेशमा कुल ८७ सांसद संख्या रहेको छ । सरकारले विश्वासको मत पाउन यस प्रदेशमा ४४ जना सांसद चाहिन्छ । एमाले नेतृत्वको सरकार ढलेसँगै अब नयाँ सरकार गठन प्रक्रिया सुरु हुनेछ । नयाँ सरकारको नेतृत्व नेपाली काँग्रेसले गर्ने सत्तारुढ गठबन्धनबीच सहमति भइसकेको छ ।

नेपाली काँग्रेस संसदिय दलका नेता डिल्लीबहादुर चौधरी नयाँ मुख्यमन्त्री बन्ने सम्भावना रहेको छ । 'हामी छलफलमै छौँ, के कसरी जाने भन्ने विषयमा छलफलमा छौँ,' चौधरीले दूरसन्चार डटकमसँग टेलिफोनमा भने ।

नेपाली काँग्रेसमा पार्टीको संसदिय दलको नेता नै संघिय सरकारको प्रधानमन्त्री वा प्रदेश सरकारको मुख्यमन्त्री बन्ने प्रचलन रहेको छ ।

प्रकाशित मिति: सोमबार, वैशाख ११, २०८० १३:३५

प्रतिक्रिया दिनुहोस्