हिउँ पहिरोमा बेपत्ताको खोजी गर्न सुरक्षाकर्मी घटनास्थल प्रस्थान

समाज

Home
समाज
हिउँ पहिरोमा बेपत्ताको खोजी गर्न सुरक्षाकर्मी घटनास्थल प्रस्थान

हिउँ पहिरोमा बेपत्ताको खोजी गर्न सुरक्षाकर्मी घटनास्थल प्रस्थान

मुगु : मुगुको च्याखु लेकमा हिउँ पहिरोमा परी बेपत्ता भएका ब्यक्तीको खोजीका लागि सोमबार (आज) बिहान नेपाली सेनाको हेलिकप्टबाट सुरक्षाकर्मी घटनास्थलतर्फ प्रस्थान गरेका छन् ।

हेलिकप्टरमा नेपाल प्रहरी र सशस्त्र प्रहरी बलका विपद् उद्घारकर्मी र बेपत्ता भएकाका आफन्तसहित २० जना रहेको जिल्ला प्रहरी कार्यालय मुगुका निमित प्रमुख सुदर्शन पन्थीले जानकारी दिए । यही वैशाख २२ गते नै इलाका प्रहरीचौकी मुगुबाट घटनास्थलतर्फ प्रहरी हिँडेपनि अझै घटनास्थलसम्म पुग्न नसकेको बताइएको छ ।

हिउँ, उच्च हिमाल पार गरेर जानुपर्ने तथा बन्दोबस्तीका सामानको अभावमा त्यहाँ पुग्न कठिनाइ भएको पनि पन्थीले बताएका छन् । स्थलमार्गबाट सुरक्षाकर्मी घटनास्थलसम्म पुग्न समय लाग्ने भएपछि गृहमन्त्रालयले हेलिकप्टर सहित उद्धारकर्मी पठाएको हो ।

मुगुम कार्मारोङ गाउँपालिकाले यार्सा पाइने पाटन क्षेत्रमा आगामी जेठ ४ गते संकलकलाई राजस्व काटेर प्रवेश गराउने सूचना गरिरहँदा जुम्ला जिल्ला पातारासी गाउँपालिका-२ तल्फी गाउँका १५ स्थानीय अवैध बाटो भएर पाटनतर्फ प्रस्थान गरेका जनाइएको छ ।

पाटनमा जाँदै गर्दा च्याखु लेकमा यही बैशाख २२ गते दिउँसो १ बजे माथिबाट हिउँ पहिरो आउँदा ४० बर्षका तारासिंह सार्की, ३५ बर्षिया पुन्न सार्की र ३५ वर्षकै वीर बोहरा बेपत्ता भएका थिए ।

प्रकाशित मिति: सोमबार, वैशाख २५, २०८० ०९:१९

प्रतिक्रिया दिनुहोस्