बाँकेमा भएको सवारी दुर्घटनामा दुई जनाको मृत्यु

समाज

Home
समाज
बाँकेमा भएको सवारी दुर्घटनामा दुई जनाको मृत्यु

बाँकेमा भएको सवारी दुर्घटनामा दुई जनाको मृत्यु

दूरसञ्‍चार मंगलबार, जेठ १६, २०८०

नेपालगन्ज : बाँकेमा मंगलबार भएको सवारी दुर्घटनामा परेर २ जनाको मृत्यु भएकोे छ । दुर्घटनामा परी सुर्खेत निवासी ५३ वर्षीया सञ्जु खाती खड्का र कार चालक गोरखा आँपपिपलका ३७ वर्षीय सुवास अधिकारीको मृत्यु भएको हो ।

पूर्वपश्चिम राजमार्ग अन्तर्गत बाँकेको राप्ती सोनारी गाउँपालिका–८ मुगुवा खोला नजिकै मंगलबार दिउँसो साढे ४ बजे पूर्वतर्फँ जादै गरेको मे १ ख ३३३५ नम्बरको बस र पश्चिमतर्फ आउँदै गरेको बा १३ च ८२५३ नम्बरको कार आपसमा ठोक्किँएका थिए ।

दुबैको उपचारका क्रममा नेपालगन्ज मेडिकल कलेज शिक्षण अस्पताल कोहलपुरमा बेलुका ८ बजेतिर मृत्यु भएको हो । पेसाले डाक्टर रहेकी सञ्जु कर्णाली प्रदेश अस्पतालका निर्देशक डा. डम्बर खड्काकी श्रीमती हुन् । डम्बर उपप्रधानमन्त्री तथा रक्षामन्त्री पूर्णबहादुर खड्काका माइला भाई हुन् ।

जिल्ला प्रहरी कार्यालय बाँकेका प्रमुख (एसपी) सन्तोषसिंह राठौरले सुर्खेततर्फ जाँदै गरेको कारलाई बाँकेको राप्तीसोनारी गाउँपालिका–८ मुगुवा खोला नजिक नेपालगन्जबाट पूर्वतर्फ जाँदै गरेको बसले ठक्कर दिएको बताए ।

दुर्घटनाको खबर पाउने बित्तिकै इलाका प्रहरी कार्यालय कोहलपुरबाट पुगेको प्रहरी टोलीले घाइतेको उद्धार गरेको थियो । अस्पताल पुर्याए लगत्तै कारमा सवार डाक्टर खड्का र चालक अधिकारीलाई चिकित्सकले मृत घोषणा गरेको एसपी राठौरले बताए ।

उक्त कारलाई ठक्कर दिने बस सगरमाथा प्रालिको हो । उक्त बसमा २६ जना यात्रु सवार रहेको प्रहरीले जनाएको छ । दुर्घटनामा बसमा सवार ६ जना यात्रु पनि घाइते भएको प्रहरीले जनाएको छ । बसलाई प्रहरीले नियन्त्रणमा लिएको जनाएको छ ।

प्रकाशित मिति: मंगलबार, जेठ १६, २०८० २२:२९

प्रतिक्रिया दिनुहोस्