नेपालगन्ज : वरिष्ठ अवधीभाषी साहित्यकार एवं सञ्चारकर्मी विष्णुलाल कुमालको ७६ औं जन्मोत्सव मनाइएको छ । ७५ वर्ष पुरा गरेर ७६ औं वर्ष प्रवेशका अवसरमा शनिबार नेपालगन्जमा अवधी साँस्कृतिक प्रतिष्ठान केन्द्रीय समितिले उनको कृति घमन्जा विमोचनसँगै वहुभाषिक कवि गोष्ठी गरेको छ ।
स्रष्टा कुमालले साहित्य रचनासँगै सञ्चारमार्फत अवधी कला, सँस्कृतिमा योगदान पुर्याएका छन् । मानवअधिकार, समाजसेवा र शान्ति स्थापनामा पनि उत्तिकै सक्रिय कुमालद्धारा प्रकाशित घमन्जा पुस्तकको प्रमुख अतिथी एवं राजनीतीकर्मी पशुपति दयाल मिश्र, वरिष्ठ साहित्यकार सनत रेग्मी लगायतले विमोचन गरेका थिए ।
प्रमुख अतिथी मिश्रले कुमालले प्रकाशित गरेको घमन्जा पुस्तक जस्तै स्रष्टा कुमाल पनि घमन्जा जस्तै बहुआयामिक व्यक्तित्व भएको भन्दै उनको सक्रियता र योगदानको सह्राना गरेका थिए ।
कार्यक्रममा वरिष्ठ साहीत्यकार रेग्मी, पुस्तकालय अधयक्ष बलराम यादव, प्राज्ञ सदस्य महानन्द ढकाल, प्राध्यापक कृष्ण घिमिरे, वरिष्ठ पत्रकार नरेन्द्रजंग पीटर, रुपैडिहा नगर पञ्चायतका चेयरम्यान डा. उमाशंकर वैश्य , पत्रकार विजय वर्मा लगायतले अवधी भाषा, साहित्य र स्रष्टा कुमालको व्यक्तित्व बारे चर्चा गरेका थिए ।
अवधी सांस्कृतिक प्रतिष्ठानका केन्द्रीय सदस्य हाजी अवुदल लतिफ शौकको सभापतिवमा भएको कार्यक्रममा मुस्तफा अहसन, विक्रम शीशीर, सुशिला वैश्य, शायदा वाहीदी, चन्द्रावती अधिकारी, असफाक संघर्ष लगायतले रचना वाचन गरेका थिए, भने कार्यक्रम सञ्चालन जिनु हकले गरेका थिए ।
