नेपालगन्ज : नेपाल प्रेस युनियन बाँकेको १२ औं जिल्ला अधिवेशनबाट निर्वाचित कार्यसमिति पदाधिकारीलाई प्रमाणपत्र वितरण तथा पद हस्तान्तरण कार्यक्रम गरिएको छ । प्रमुख निर्वाचन आयुक्त, अधिवक्ता जनकबहादुर शाहीको अध्यक्षता प्रमाणपत्र वितरण गरिएको हो ।
नवनिर्वाचित अध्यक्ष प्रियास्मृति ढकाल, उपाध्यक्षद्धय कमल खत्री र निशा शाह, सचिव भिष्म लोध, सह-सचिव माया अधिकारी र कोषाध्यक्ष खडक खत्री तथा सदस्यहरु समिर शाही, बिक्रम बुढाक्षेत्री, रामप्रसाद आचार्य, मार्शलराज सन्ज्याल, अनिल गौतम, आरती कट्टेल, लक्ष्मी गौडेल, सावित्री विश्वकर्मा, निर्मलाकुमारी थारु, सुविता थारु, अभिशेष गुप्ता, रबि कनोजिया, सलामत अली शेष, प्रेम सिंह एसके र सुकराम चिडिमारलाई प्रमाणपत्र वितरण गरिएको हो । सो क्रममा मन्तब्य राख्दै प्रमुख निर्वाचन आयुक्त शाहीले प्रमाणपत्र वितरण कार्यक्रम समापन गरेका थिए ।
सो क्रममा निर्वाचनमा खटिएका प्रमुख निर्वाचन आयुक्त शाही लगायतलाई युनियनका निर्वतमान अध्यक्ष ओलीले मायाको चिनो प्रदान गरे । यस्तै नवनिर्वाचित कार्यसमिति पदाधिकारीलाई सोही समारोहमा पद हस्तान्तरण गरिएको छ ।
पद हस्तान्तरण कार्यक्रममा युनियन लुम्बिनी प्रदेशका उपाध्यक्ष जयसिंह केसी, निर्वतमान जिल्ला अध्यक्ष अर्जुन ओली र नवनिर्वाचित अध्यक्ष प्रियास्मृति ढकालले मन्तब्य राखेका थिए । निर्वतमान अध्यक्ष अर्जुन ओलीले नवनिर्वाचित अध्यक्ष प्रियास्मृति ढकाललाई पद हस्तान्तरण गरेका हुन् । सो क्रममा निर्वतमान अध्यक्ष ओलीले आफ्नो नेतृत्वको कार्यसमिति, पदाधिकारीलाई मायाको चिनो प्रदान गरेका थिए ।
