मुख्यमन्त्री चौधरीले भने, ‘घाईतेको उपचारमा कमी नहोस्’

राजनीति

Home
राजनीति
मुख्यमन्त्री चौधरीले भने, ‘घाईतेको उपचारमा कमी नहोस्’

मुख्यमन्त्री चौधरीले भने, ‘घाईतेको उपचारमा कमी नहोस्’

नेपालगन्ज मेडिकल कलेज शिक्षण अस्पताल कोहलपुरमा घाइतेको अवस्था बुझ्दै मुख्यमन्त्री डिल्लीबहादुर चौधरी ।

कोहलपुर : लुम्बिनी प्रदेशका मुख्यमन्त्री डिल्लीबहादुर चौधरीले आइतबार शम्शेरगन्ज बस दुर्घटनाका घाईतेको अवस्था बुझेका छन् । नेपालगन्ज मेडिकल कलेज शिक्षण अस्पताल कोहलपुरमा पुगेर उनले त्यहाँ उपचाररत घाइतेको अवस्था बुझेका हुन् ।

बर्दिया ठाकुरबाबा नगरपालिका वडा नम्बर ९ बेतहनीस्थित सामुदायिक वन समुह उपभोक्तालाई बोकेर दाङको भ्रमणबाट बर्दियातर्फ फर्किदै गरेको अवस्थामा ४१ जना यात्रु सवार ना ७ ख २३२१ बस र सडकमा रोकिराखेको ना ८ ख ६४०५ नम्बरको ट्रकसँग ठोक्किँएर दुर्घटनामा परेको थियो । उक्त दुर्घटनामा परी ७ जनाको मृत्यु हुनुका साथै ३३ जना घाईते भएका थिए ।

मुख्यमन्त्री चौधरीले घाईतेको स्वास्थ्य लाभको कामना गर्दै उनीहरुको उपचारमा कमी नराख्न अस्पताल प्रशासनलाई निर्देशन दिएको उनको सचिवालयले जनाएको छ । ‘घाइतेको उपचारमा विशेष ध्यान दिनुहोला, उहाँहरुको उपचारमा कुनै कमी नहोस्,’ मुख्यमन्त्रीको भनाई उद्धृत गर्दै एक स्वास्थ्यकर्मीले भने ।

प्रकाशित मिति: आइतबार, भदौ २४, २०८० २२:१६

प्रतिक्रिया दिनुहोस्